Шун муха хета? » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Шун муха хета?
25.11.2020 141 0 niyso

Шун муха хета?

Общество
В закладки
Хууш ма хиллара, Дагестанехь цхьаъ бен дац вайн къоман лазам буьйцуш газет. Вайна массарна девзаш а, дезаш а ду и. Ткъе итт шо хан ю вайн къоман газетан агlонаш т1ехь коьртачу теманашна лерина материалаш арайовлуш йолу. Церан юкъахь: Ауховски к1ошт меттах1оттор, вайнах махкахбаьхна Юккъерчу Азе бахийтар, республикера политически хьал, кхочушъеш йолу социальни проекташ, спортхойн кхиамаш иштта д1а кхин а. Массо а ханна вайн республикехь вайнаха д1ахьучу мероприятешкахь дакъа  лоцу редакцин белхахоша а. Уггаре чолхечу заман чохь, кхин йолу шуьйра хаамийн г1ирсаш бакъдерг яздан а, дийца а ца х1уьттучу хенахь, вайн газетан белхахоша шайна мел хала а, кхераме а делахь а, бакъдерг яздеш болх бина. Тахана а, сих-сиха куьйгаллера кхерамаш туьйсуш боллушехь, къар а ца луш, вайн халкъана нийсадерг дуьйцуш, довзуьйтуш ду «Нийсо» газет.
Ма-дарра аьлча, цхьаболчу наха газетехь беш болчу балхана лахара мах хадабо. 
Халахеташ делахь а, иштта берш бу вайн юкъахь. Т1аьхьарчу шерашкахь кхин а цхьа бала бу редакцина т1ебоьссина. Шо шаре мел долу газете язлуш берш к1еззига хуьлуш бу. 
Хила тарло и интернет юкъа ялар бахьнадолуш. Амма соьга хаьттича, деккъа и цхьа бахьна хилла ца 1а. Киншка а, газет а деша лууш бац кегирхой. Дукха хьолехь царна моьтту деккъа цхьана ловзаргех 1ехалуш 1ийчахьана дахар чекхдолу. Иштта царна хета дерриге бакъдолу керланаш интернет чохь ду. Амма Дагестанехь бехаш болчу нохчашна лерина болу хаамаш къаьсттина вайн газетехь бен бац. Цундела хета суна х1ора а нохчийн доьзалехь яздеш а, доьшуш а хиладеза «Нийсо». 
Кхин х1умма а ца дийцича, вайн республикерчу х1ора а кхечу къаьмнийн шайн ненан маттахь арадолуш масийтта газет ду, ткъа вайн нохчийн маттахь цхьаъ бен дац. Иза а вайна кхаба ца лахь х1ун мах бу теша вайн? 
Хуьлий вай жигара газета яздеш! Тахана Дагестанехь вай шиб1е эзар гергга нохчий ву. Ткъа вайна пхиъ эзар тираж кхаба ца ло. Иэхь дуй те и? Я бала цакхачар ду те? Шуна муха  хета, хьоме газетдешархой? Мухха делахь а, суна нийса-м ца хета и...

Автор: Мовсар Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Сан деган лазам
Сан деган лазам
Сан деган лазам
25.11.20 Общество
Т1аьххьарчу шерашкахь вайн къомах доглозуш а, вайн дахаран некъ нийса хилахьара бохуш а нах вайна юкъахь к1еззига хилча санна хета суна. Дагестанехь бехаш болчу массо а
Дала ма эшадойла вай вовшашна!
Дег1астанан нохчийн журналистика, со г1алат ца ваьллехь, «Доттаг1алла» («Дружба» газетан дубляж) газетан т1ера схьайолаелла. Шиъ аг1о йолу и нохчийн маттахь долу газет
Газет доцуш диса  кхерам бу вай...
Кхоьссина топ санна д1ауьдучу кху заманахь а, кху харцчу дуьненахь а со цецвала цхьа а тайпа х1умма дац, бохуш, 1аш волчу суна, цхьа х1ума тамашена хета (?!) – нохчийн
Конституци - вайн дахаран коьрта закон
2003-чу шеран 10-чу июлехь Дег1аста Республикин Конституционни Собранис т1еэцнера Дег1аста Республикин керла Конституци. Цуьнан официальни йовзийтар хилира 26-чу июлехь.
...Ас дозалла до
...Ас дозалла до
...Ас дозалла до
03.04.19 Общество
Хьалхара апрель – Дег1астанан Радиохь нохчийн маттахь йолу редакци кхоллаелла де.











«    Июль 2021    »
ПнВтСрЧтПтСбВс
 1234
567891011
12131415161718
19202122232425
262728293031 
все шаблоны для dle на сайте dletop.com скачать