Турпалхой бовзийта лерина

Жимма хьалхуо Х1енж-г1алахь коьллина йолу йукъаралло, г1о даран штабо йукъайаьккхира «Салтин сурт» проект. Оцу г1уллакхна лаккхара мах хадош, тидам бира Дагестанан куьйгаллехь.
Меликов Сергейн пресс-службо хаам ма-барра, и болх шуьйра баржо дагахь ду федеральни 1едал. Х1унда аьлча, таханлера истори кхуллуш шайн синош д1аделла турпалхой бовзийта беза массарна а.
Цуьнца цхьанадог1уш, лаккхарчу т1ег1анехь белхаш д1ахьура ду аьлла билгалдина. Йог1учу ханна, массо а регионашкахь и проекташ йукъайохуш, т1екхуьу чкъор Даймахкана пайдехьа кхетош-кхиорехь дан лерина белхаш ду. Ткъа иза ду вайн махкан бакъйолу истори 1алашйар а, йовзийтар а.
Оцу проектаца дог1уш, йерриге пачхьалкхан тайп-тайпана майданашкахь а, нах дуккха а хуьлучохь а, йукъараллин меттигашкахь а, Даймахкан дозанаш лардеш иэгначийн суьрташ хир ду.
БАЙМУРАДОВ Мовсар