Дукха къаьманаш ду дуьнен чохь, цу хIора къоман шен мотт а бу. « Мотт ца хилча, къам а ца хуьлу», –  олуш цхьа кица ду вайн халкъалахь. Иза Iаламат нийса аьлла дош ду. Къам дIадаларан ши бахьана ду боху Iилманчаша: хьалхарниг  – нагахь къомо шен мотт дIатасахь, иза ца буьйцуш, цунах пайда ца оьцуш, и къам хилахь, иза дуьнен чуьра дIадолу; шолгIаниг – нагахь и къам, цхьа бахьана а хIоьттина, дерриг а хIаллакьхилахь.