Имамийн тидаме » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Имамийн тидаме
08.05.2019 111 0 niyso

Имамийн тидаме

Общество
В закладки
2019-чу шеран 27-чу апрелехь д1аехьира «Имамаш Машарехьа а, Бартхиларехьа а» ц1е йолчу юкъараллин Советан кхеташо.  Кхеташонехь юкъа а дихкира, дийцаре а дира т1ебог1учу мархин Рамазан баттах а, марха дастарх а доьзна масъалаш. Советан декъахоша шайн къамелашкахь билгалдаьккхира Рамазан бутт вайн динехь ша-тайпа беза  бутт хилар, оцу баттахь Дала бусалбанашна т1едиллина Шена гергахь дукха деза долу 1ибадат – марха кхабар. 
Кхеташонан декъахоша даггара декъалбо вайн махкахь бехаш болу бусалбанаш оцу безачу баттаца, везачу Деле доьху, Цо и вайна т1екхачор вай дерриге а могуш-маьрша а долуш, вайн мохк машарехь а, кхерамазаллехь а зовкх хьоьгуш а болуш. Кхеташонехь т1еийцира марха кхабарх а, дастарх доьзна цхьацца хьукманаш. 
Хууш ма-хиллара, цамгарций я кхечу бахьанашца марха кхаба ца могучунна дино т1едуьлу г1уда (фидьят).  Цуьнан барам бу цхьана дисинчу мархина метта юьртахь дукхачу хьолехь дуучу ялтин цхьа мудд ( 1 мудд = 600 г). Цуьнга терра, бутт чекхболуш х1ора сина т1ера дала дезаш ду мархин парз сахь – закат аль-фит1р. Цуьнан барам а жайнашкахь билгалбаьккхина: цхьа сахь – 4 мудд, я 2,4 кг юьртахь дукха буучу кхачих. Шари1ато кхузахь тергалдеш дерг мискачу стеган маслахьат, аьлча, цунна пайдехь дерг ду. Цундела и барамаш сов баьхча, дикох ду. Шен бухца беънарг кхача хиллехь а, цхьаболчу лерамечу имамаша магийна,  и сахь  кхочуш долчу мискачу нахана хуьлу пайда хьалха а баьккхина, и сахьаш ахчанга дерзор. Цунна т1е а доьг1на, кхеташоно дика лору марха кхаба ца мегначунна цхьана мархина т1ера луш йолу фидьят (г1уда)  к1еззигчу барамехь 50 сом хилар.   Мархин парз сахь, х1ора Рамазан баттахь дийна мел хиллачу  сина т1ера луш долу, хьатта цу  беттан т1аьххьарчу дийнахь малх чубузале дуьненчу даьлларг а т1ехь, 100 сом лору. 
Кхеташонан декъахоша къаьсттина тидам т1ебахийтира марха досту де - 1ийд аль-фит1р даздарх лаьцна масъалашка. Бусалба динехь иза доккха дезде лоруш ду. Оцу дийнахь наха Дала шайна т1едиллина деза 1ибадат кхочушдарна, Дала шайна деллачу ни1маташна Цунна шукр деш, И вазвеш, И воккхавеш (Аллах1у акбар аларца),  шайн хазахетар гучудаккха деза. Оцу дийнахь дезчу г1уллакхех ду 1ийд-ламаз дар, вовшийн декъалбар, баккхийчаьрга, цомгуш болчаьрга, гергарчаьрга, лулахошка чубоьдуш, уьш декъалбеш, лаахь царца стака чай молуш 1ар. Нах баккхийбеш, хазахетар, Далла хастам беш, вовшашна безаш хилар  - и бу 1ийдан коьрта чулацам. 
Амма вайна юкъахь, халахеташ делахь а, 1ийд ч1ог1а халчу даьккхина. Вовшашца йохье а бовлий, шен хьал тергал а ца деш, деза совг1аташ доькъу наха вовшашна, яккхий харжаш йо. Декхарш а оьций, уьш шерашкахь такха ца луш, ч1ог1ачу халоне х1уьтту дукха болу нах. Уьш вайн динца ца дог1у х1уманаш ду, деккъа нахана гайтарна лело х1уманаш ду. Оцунца царна мела муххале а хир бац, ткъа къа хиларна герга ду. Цул доьхнарг ду,  оцу денна кечам беш, йохка-эцархоша хан яьлла йолу (просроченные) продукташ юхку, наха уьш оьцу, вовшашна йоькъу. Цуьнца дукха нах, къаьсттина кегий бераш, цомгуш хуьлу. Иза, хаа хууш, нахана зулам дар лору дино. Иза даккхийчарах къа ду, Дала, и берриг нах шайна къинт1ера бевлича бен, гечдийр доцу. Цунах ларлуш хила деза вай. 
Кхеташоно кхойкху массо а имам х1ара сацам нахе бовзийта. Х1ора имамана т1ехь ду шен хьехамашкахь, п1ераскан дийнахь хут1банашкахь нахана марха кхабаран а, дастаран а бакъонаш шуьйра йовзийтар, марха достучу денна лерина яккхий харжаш яр, уьш ян декхарш эцар, хан яьлла продукташ йохкар, нахана зенехь долу хьарам х1ума хилар билгалдаккхар. 
Кхеташонан декъахой тешна бу т1ебог1у  Рамазан бутт вай ша ма безза т1елоцур хиларх, ша ма безза д1абахьар, ша ма безза новкъа боккхур хилар. Вайна хаа деза: марха кхабар деккъа юучух а, молучух а юхавалар дац. Иза массо а вочу х1уманах, муьлххачу кепара адамна, са мел долчу х1уманна зен-зулам дарх юхавалар ду, вовшашца  бертахь, мерза, маьрша хилар ду. Дала цу т1ехь тавфикъ лойла вайна. 



Автор: «Имамаш Машарехьа а, Бартхиларехьа а а» юкъараллин организацин Совет
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
9 май - Толаман Де
9 май - Толаман Де
9 май - Толаман Де
08.05.19 Общество
Кху деношкахь 74 шо кхочу советски халкъо Сийлахь-боккхачу Даймехкан т1амехь фашистски Германина т1ехь Толам баьккхина.9-г1а май – Толаман Де – уггар а ладамечух долу
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Къизаллин шераш
Къизаллин шераш
Къизаллин шераш
20.02.19 Общество
75 шо. Цхьана стеган оьмар. Оццул зама д1аяьлла, хууш ма-хиллара, вайнах махках а баьхна, оцу пана махка – Казахстане а, Юккъерчу Азе а д1ахьовсийна.Баккхийчеран
Шен махкахь доцург ирс дац
БIешерийн дохаллехь чекхдолуш кхечу къомах дIаийна, шен мотт, Iадаташ, амалш, шен юьхь-сибат кхуллу гIиллакх-оьздангалла дIатесна кхаьчна дац нохчийн къам таханлерчу
30-гIа октябрь – политически таIзарех хIаллакьхиллачеран иэсан де
Оцу дийнахь массанхьа д1аг1о политически та1зарша х1аллакьбинчу нахана лерина акцеш, иэсан мероприятеш. Ткъа Россехь уьш д1аг1о, 1991-чу шарахь дуьйна 30 октябрехь. И











«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031 
все шаблоны для dle на сайте dletop.com скачать