25-гIа апрель – нохчийн меттан де » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


25-гIа апрель – нохчийн меттан де
24.04.2019 94 0 niyso

25-гIа апрель – нохчийн меттан де

Общество
В закладки
Шен ненан мотт халкъо,
Сий ойбуш, 1алашбахь,
Цу халкъан парг1ато
Цхьаммо а хьошур яц
Мамакаев Мохьмад


Хууш ма-хиллара, Нохчийн Республикин куьйгалхочо Кадыров Рамзана 2007-чу шарахь шен Указаца д1акхайкхина 25-г1а апрель, нохчийн меттан де ду аьлла. Х1инца 12-г1а шо ду и де Нохчийчохь хилла ца 1аш, дуккха а кхечу меттигашкахь а даздеш долу.





И де тайп-тайпана мероприятеш д1аяхьарца шуьйра билгалдоккху Дег1астанахь а.
Ала деза, нохчийн мотт 1амор, и хьехар кхузарчу школашкахь юкъадалийна 60-чу шерашкахь дуьйна. Ткъа тахана и мехала г1уллакх дика вовшахтоьхна д1ахьо нохчий бехачу ярташкахь, Хасавюрт г1алахь, кхузарчу хьехархойн колледжехь.
Мотт – иза муьлххачу а халкъан истории ю, иза цуьнан хиндерг а ду. Мотт д1абаьлча, халкъ а д1адолу. Матто лардо халкъан васт, цуьнан амалш, г1иллакхаш, ламасташ.
Цундела вайн декхар ду т1екхуьучу т1аьхьенашкахь ненан матте безам кхиор, и царна 1амор. «Шен Даймахке ц1ена,  даггара безам хуьлийла дац, шен матте безам ца хилча. Нохчийн мотт вайн историх, къоман башхаллех, г1иллакхех, культурех д1акъасто йиш йоцу дакъа ду», -аьлла билгалдаьккхина Нохчийн Республикин куьйгалхочо Кадыров Рамзана.
Нохчийн мотт кхиош, оцу маттахь произведенш язъеш, халкъан кхолларалла д1аязъеш, къахьегна нохчийн дуьххьарлерчу яздархоша: Нажаев Ахьмада, Сальмурзаев Мохьмада, Дудаев 1абдис, Айсханов Шамсуддис, Бадуев Са1ида, Мамакаев Мохьмада, Мамакаев 1арбис…
Цара д1адолийна г1уллакх сийлаллица кхид1а а даьхьира г1арабевллачу яздархоша Сулейманов Ахьмада, Айдамиров Абузара, Арсанукаев Шайхис, Окуев Шимас, Дикаев Мохьмада, кхиболчара.
Ненан меттан маь1нах лаьцна иштта аьлла Абдурахманов Дукхавахас: «Нохчашна шайн историн йохаллехь дуккха а хала киртигаш т1еяьхкина. Царах уггар ирчачех цхьаъ яра – дерриге халкъ махках даккхар. Оцу къизачу 13 шарахь нохчийн халкъ халонашка, баланашка, лазамашка ца дитийтинарг – ненан мотт бара. Вовшашка долу кехат нохчийн маттахь бен яздеш дацара, цуьнца цхьаьна лардеш дара вайн дайша лелийна 1адаташ, г1иллакхаш».
Нохчийн маттах, цуьнан маь1нах долу х1ара къамел д1адерзош ас шун тидаме юьллу Хатуев 1абдулхьамида язйина йолу х1ара стихотворени:
Нохчийн мотт


Вай атта дахар 
Деле ца дехна, 
Харцонах уьдуш 
Гечо ца лехна,
 Ворх1 ломал дехьара 
Ирс эшна дац. 
Нохчийн мотт, хьо бацахь, 
Тхо данне дац!


Даймахках лаьцна
Вай илли олу.
Вайнехан ийман
Цунах схьадолу.
Дайн иллеш ца декахь,
ИДаймохк бац.
Нохчийн мотт, хьо бацахь,
Тхо данне дац!


Воккханиг хасто, 
Жиманиг нисван, 
Бакь луьйриг къасто, 
Г1алаташ гечдан,
 Къонахчун дош лардан 
Ма атта дац. 
Нохчийн мотт, хьо бацахь, 
Тхо данне дац!


Вайн дахар хаздо,
Вайн ойла язйо 
Бекачохь оьзда 
Нохчичун мотт!
 Хиндолчух тешош, 
Г1иллакхаш дебош, 
Бека хьо даим, 
Сан ненан мотт!


Автор: Салвади Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Кхане - «Орга» журналаца
-Нана, хьоьгахь ерг х1ун ю?-»Орга» журнал ду.
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031 
все шаблоны для dle на сайте dletop.com скачать