ЦКЪА А ЙИЦ ЛУР ЙАЦ » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


ЦКЪА А ЙИЦ ЛУР ЙАЦ
14.04.2021 71 0 niyso

ЦКЪА А ЙИЦ ЛУР ЙАЦ

Общество
В закладки
Де дийне мел долу, 1ожаллин бахьанца вайна юкъара цхьацца берш эхарта боьрзуш бу. Вайна уллора, бевзаш а, безаш а болу нах д1абахча вуно хала а хета. Вайна мел ца лаарах а, иштта дахаран киртиг х1оранна т1е 1оттало. Ишттачохь хала ду дош ала а, вист хила а. Амма, кху деношкахь д1акхелхинчу сайн хьехархочун хьокъехь масийтта дош ца яздеш 1а ца ло со.Аларна я дийцарна а доцуш, боккъала бакъ долуш, дог-мотт цхьаъ долуш ала лаьа суна сайн дуьххьарлерачу хьехархочух лаьцна. Мохьмадсалехьан Тоихьат массарна дика а йолуш, шегара схьаэца шортта масала а долуш, дешархошна а, хьехархошна а ч1ог1а дукха а езаш, дика а, комаьрша а, оьзда а йара. Суна иза дика евзара, х1унда аьлча и сан дуьххьарлера хьехархо йара, ткъа аса цунна хьалха деа шарахь дешнера. Х1ора а дешархочун сине, кхетаме дош, шен хаарш д1акховдо а, д1адала а хууш, дика, говза, гуттара ша 1амош долчу берашна хазахетча, самукъа а долуш, халахетар хилча вуо а хеташ, царна пайда хилийта х1уъу дийр долуш, ша ца кхоъош къахьоьгура цо. Кхин болчу хьехархошна халахетийта а ца лаьа суна, амма Тоихьат, хазачу дашна комаьршаъ йолуш дикачу аг1ора къаьстара бисинчарах. Иза санна бераш дукха дезаш хьехархой суна дукха ца гина.Цо бечу балхах уггаре пайдехьа дерг, иза бераш кхетош-кхиорехула хьоьгуш долу къа а, иштта церан халкъе а, махке а кхуллуш болу безам а бара. Баккхий нах ларар, оьшучунна г1о дар, иштта вайн бусулбанийн динахь а, вайн къоман 1адаташкахь а, ламасташкахь а дайшкара схьадеана г1иллакх хьехар, оьзда лела 1амор, дийцина ца валлала, дуккха мехала болх бора Тоихьата. Ала дог1у, бераша самукъадолуш, ладуг1ура цо дуьйцучуьнга а, цуьнан «хьехамашка» а. Шен дуьненан дахар чекхдаллалц берийн дуьхьа къахьегна цо. Со тешна ву, массо а иза евзаш болчаьрна гуттарена а Мохьмадсалехьан Тоихьат дагахь йуьсур йу уггаре дикачу хьехархойх цхьаъ аьлла. Цо шех йаккха боккъала а дика ц1е йитина. Дала геч дойла Тоихьатна. Дала собар лойла халахетаран дакъа мел кхаьчначунна. 




Автор: Мовсар Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
НЕНАН МОТТ – ВАЙН ДОЗАЛЛА
Дуьненан юкъара ненан меттан де кхоьллина 1999 шарахь ЮНЕСКОн 30 Генеральни сессехь. И де даздо хlора шарахь февралан 21-чу дийнахь. И де массо а къаьмнашна биглалдаккха
Шун муха хета?
Шун муха хета?
Шун муха хета?
25.11.20 Общество
Хууш ма хиллара, Дагестанехь цхьаъ бен дац вайн къоман лазам буьйцуш газет. Вайна массарна девзаш а, дезаш а ду и. Ткъе итт шо хан ю вайн къоман газетан агlонаш т1ехь
Тешаме доттагI дIаваха...
Шийла кхаъ кхечи таханлерчу Iуьйранна, тхан доттаг1 Баймурадов Салвади кхелхина аьлла. Хьайн хенара а волуш, хьайца къона хан яьккхина волу доттагI кхалхар лан хала
Муха ду берийн ловзарш?
Муха ду берийн ловзарш?
Муха ду берийн ловзарш?
19.08.20 Общество
Берийн ловзарш доккха маь1на долуш ду кегийчаьрца бечу кхетош-кхиоран балхахь. Уггаре а хьалха, берашна керла хаамаш хуьлу х1ора ловзарехь, церан кхетам кхуьу, мотт
Хала буй хьехархочун болх?
Хала буй хьехархочун болх?
Хала буй хьехархочун болх?
01.04.20 Образование
Иштта хаттар делира ас тхайн хиллачу къамелехь Соьлжа-ГIаларчу номер 16 йолчу школин нохчийн меттан а, литературин а хьехархочуьнга Закриева Есита Ахъядовне. «Суна











«    Июнь 2021    »
ПнВтСрЧтПтСбВс
 123456
78910111213
14151617181920
21222324252627
282930 
все шаблоны для dle на сайте dletop.com скачать