Нохчийн меттан семинар » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Нохчийн меттан семинар
27.02.2019 205 0 niyso

Нохчийн меттан семинар

Образование
В закладки
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча, пачхьалкхехь уггара дукха къаьмнаш дехаш регион ю вайн республика. Оцу денна лерина дуккха а тайп-тайпана цхьанакхетарш а, къийсадаларш а, йиллина урокаш а,  иштта кхин йолу пайдане мероприятеш а д1ахьо массо а ишколашкахь.

Оцу денна нисъелира Хасавюртарчу ишколийн нохчийн меттан хьехархойн семинар.Иза д1аяьхьира лоьмар 7 йолчу юккъерчу ишколехь.Уггара хьалха ала лаьа, хьехархойн цхьанакхетарна  ч1ог1а дика кечам бина хиллера организаторша, ткъа церан юкъахь нохчийн меттан хьехархой Гойсумова Анжела а, Абдулханова Алина а бара. Дуьххьара, хьеший т1елаьцначул таьхьа, шайна юкъахь  меттигерчу ишколийн нохчийн меттан хьехархой а, Соьлжа-г1алара баьхкина нохчийн меттан говзанчаш а, къона яздархой а болуш, 5 «б» классера дешархошца йиллина урок д1аяьхьира оццу ишколан нохчийн меттан хьехархочо Абдулханова Алинас. 
Дийцаре дира нохчийн къоман уггаре коьртаниг - г1иллакх. Цуьнах лаьцна бераша йийшира байташ, далийра масалш, иштта хьехархочо берашна дийшира доттаг1алла нийса лелорах лаьцна дийцар. Урокан коьрта 1алашо яра т1екхуьу чкъорана оьздангалла, яхь, лерам, къинхетам, доттаг1алла,  адамалла иштта кхин долу вайн къоман хазна довзийтар.
Йиллина урок чекхъяьлча,  хьешашна тидаме  йиллира ненан маттах лаьцна шуьйра программа. Ишколехь доьшуш кхечу къомах болчу дешархоша а йийшира байташ, лийкхира эшарш, ехкира сценкаш. Цара буьйцучу маттах ма-дарра кхеташ дацахь а, маь1нех ца кхеташ ца дуьсура, х1унда аьлча церан духар а, интонаци а, лелар а, и дерриге ненан мотт хасточаьрга тера дара. Цаьрца цхьана шаьш бина кечам хьешашна тидаме  биллира нохчийн мотт 1амош болчара а. Доцца аьлча, юьхьанца дагалаьцнариг дерриге а кхочуш хилла хетара. 
Семинар чекхйолуш баьхкинчаьрга ларамца вистхилира директор Айваз Гаджиев. Шен къамелехь цо билгалдаьккхира иштта цхьанакхетарш кест-кеста хила дезаш хилар а, ненам мотт вайн бицбан бакъо цахилар а, иштта шайн ишкола муьлххачу а хенахь оцу тайпана мерприятеш д1аяхьа кийча хиларах а лаьцна. Т1аьххьара шен къамел дерзош, цо даггара баркалла элира генара баьхкинчу хьешашна. 
     Тхайн редакцин ц1арах суна а лаьа массо а ненан меттан хьехархой а, цуьнан лерам мелбийраш а, и дукха мелбезарш а дезачу денца декъала бан. Дала аьтту бойла шун!

Автор: Мовсар Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
«2019-чу шеран хьехархо»
«2019-чу шеран хьехархо»
«2019-чу шеран хьехархо»
13.02.19 Образование
4-чу февралехь Дег1аста Республикин Хасавюртахь д1аяхьира, х1ора а шарахь хуьлу, «20190чу шеран хьехархо» ц1е йолу г1алин конкурс.
Кхане - «Орга» журналаца
-Нана, хьоьгахь ерг х1ун ю?-»Орга» журнал ду.
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Нохчийн маттах ойланаш
Нохчийн маттах ойланаш
Нохчийн маттах ойланаш
09.01.19 Образование
«Нийса а, хаза а, говза а дийцархьама, мотт к1орггера дика хаа беза. Цуьнца цхьаьна ойла нисъ-ян а, хIуманах бакъонца кхета а, литературни меттан норманаш дика йовза а,
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Март 2020    »
ПнВтСрЧтПтСбВс
 1
2345678
9101112131415
16171819202122
23242526272829
3031 
все шаблоны для dle на сайте dletop.com скачать