Эскаран комиссин декъашхойн кхеташо д1айаьхьира территориальни военкоматехь. Кхузахь дийцаре дира, кегийрхой армеха бигарах лаьцна.

К1оштан куьйгалхочо Алибеков Арсланбека а, чоьхьарчу г1уллакхийн урхаллин векалша а, к1оштан т1еман регистрацин партийн куьйгалхоша а дакъалецира оцу цхьаьнакхетарехь.
Цуьнан декъашхоша бахархой эскаре г1уллакх дан гурахь д1акхайкхар вовшахтохарехь д1ахьош долу г1уллакхаш а дийцаре дира. Оцу йуккъе дог1у ведомствоша цхьаьна болх бар а, эскаре д1акхайкха безачу бахархошка шен хеннахь хаам бар а, т1еман ЗАГС-е хаам барх ларлуш болчу кегийрхошца а, эскаре д1акхайкхорхошца а къамел дарехь болх бар а.
Эскарехь г1уллакх дарца доьзна низамаш хийцарх лаьцна а дийцира. Цхьаьнакхетарехь д1акхайкхийра эскаре кхайкхарца доьзна г1уллакхех ларваларна низамо билгалдаьхна та1зарш. Дийцаре дира бахархой контрактни сервисе озорца доьзна хаттарш а.
Алибеков Арсланбека къамел дира эскаре кхойкхучаьрца, довха дешнаш а элира.
«Карарчу хенахь Хасавюрт к1оштан кегийрхой, эскаре кхайкхинарш Россин эскаран мог1аршкахь г1уллакх деш бу. Цара сий-ларамца г1уллакх до — районан администрацина а, поселкийн куьйгалхошка а кхаьчна хьакъболчу к1енташна баркалла бохуш, дакъойн командованера баркаллин кехаташ», — билгалдаьккхира Алибековс.
БАЙМУРАДОВ Мовсар