Касимов Вахита шен ойла йовзийтира тхан редакцин белхахошна, Меликов Сергейс д1ахьур йолу  «Прямой линих» лаьцна

«Республикан куьйгалхочунна Меликов Сергейна кест-кеста латто цу тайпа з1е вайн махкан бахархошца. Схьахетарехь, хьалха шерашкахь санна, х1инца а дуккха дехарш хир ду вайн куьйгалхочуьнга. Со тешна ву, Украинехь д1ахьош йолу леррина т1еман операцина алссам  тидам т1ебохуьйтур бу Меликовс. Экологин хаттарш а хир ду, ц1ена молу хи а, нехаш д1айахарехь а, ц1ано ларъйарехь а кхачамбацарш д1а а лоцуш.

Хьалха санна, дукхах долу хаттарш социалан сферех хьакхалуш хир ду, уьш муниципалан т1ег1ане д1акхачор ду.

Билггалчу хаттаршна жоьпаш оьшуш хилар вайна гуш ду. Ткъа цу д1ахьур йолу «Прямой линис» бахархойн сатийсамаш кхочушбан аьтто лийр бу — цхьана йа кхечу к1оштан, г1алин, поселкан кхачамбацарш дийцаре дич аа,  суна иза доккха а, мехала а г1уллакх хета…».