Ненанана » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Ненанана
02.10.2019 21 0 niyso

Ненанана

Общество
В закладки
Ма доккха дозалла ду ненанана дуьнен чохь хилар, ма доккха ирс ду-кх цуьнан  йовхоно хьоьстуш хилар. Цуьнан лелар, болар, амат-сибат, ма ша тайпа исбаьхьа  хаза хуьлу-кх. Х1ора дош цхьа ша тайпа масаллица, г1иллакхе, кхетамца кхиош хуьлу. Ненанана йолчу кхана доьлху аьлча, оцу буьйсанна наб мича кхетара, са т1ома долий, сихха ненаненан  юьхь-сибат ган лаьара.  Х1ун совг1ат дийр дара-те ас, муьлха совг1ат даьхьча хазахетар дара-те цунна, бохуш,ойла еш 1уьйренга волура. 1уьйрре хьалаг1еттина туькана вахана, итт туьма делла йовлакх ийцира ас, кхин соьгахь ахча хиллехьара, кхин дезаниг оьцур дара ас, иза а дара-кх,  тхан лулахь нускал далочу хенахь, некъ лаьцча суна делла. Хазо т1оьрмиг лехна, цу чу диллина, ненананна даьхьира ас и йовлакх. Цуьнан ши б1аьрг ган безара коран ангали санна лепара, моьттур дара ас дерриг дуьне цунна делла. Дог хьаста, дог эца дукха х1ума ца оьшу-кх.  Буьйсанна  туьйранаш дийцийта, гуллой, цуьнан мара хьерчаш, ладоьг1ура оха, кхин цхьаъ, кхин цхьаъ бохуш, пекъар, миска ненанана  х1ан-х1а ца олуш, цхьа мерза наб  шена  т1ег1оьртича а, ша мел 1алуш яцахь а, тхоьца ехха 1ара иза, тхан самукъадаккха г1ерташ, ткъа тхуна-м цуьнан карахь-марахь наб кхетара.
Ненаненан муьлххачу хаттарна дала жоп хуьлура, вайн шира 1адатех лаьцна а, г1иллакх - оьздангаллех лаьцна  а, цхьа ша тайпа дог токхе деш. Ненанана йог1учу хенахь, оха вовшашка кхаьънаш дохуш, самукъане маьхьарий довлура тхан. Иза д1аяхарна кхоьруш, цунна юххера д1а-м ца довлура тхо, х1етте буьйса йоккхуш ца 1ара.  Буьйса йоккхуш 1ехьа, оха аьлча, дехарш дича, цо х1ан-х1а, йиш яц шен олий, невцан кертахь буьйса йоккхуш 1ер г1иллакхе дац олура. И д1айоьдуш г1айг1ане хуьлура тхо, делха дог дог1уш, цо ша сихха юха йог1ур ю аьлча, синтем хуьлура дагна.
Ненаненан кхача а хуьлура цхьа ша - тайпа мерза: етташура, т1о -берам, г1алмакх- чай, сискал, шура,к1алд-даьтта, жижиг- гала, г1абакх,ч1епалгаш.
Шун дуьззий  уьш тхуна хьалха йохкура цо, мел яарх тхо дуза мича дузура.  
Цхьана дийнахь со, тхан  нана, ненананна  ан иккхина   йижина ю аьлла,  цуьнга хьажа дахара, со чоьхьа ваьлча ,шен юххера маьнга схьалоцуш, хьалаг1атта юьйлира иза. Тхан массеран а маьхьарий девлира, хьала ма г1атта, бохуш. 
- Х1ан-х1а, шен йиш яц божабер чу даьлча, мел жима делахь, хьала ца г1оттуш 1ен, аьлла шена г1о дойтуш, хьалаг1еттира иза. Цо гайтинарг доккха, инзаре хаза г1иллакх дара, цунах ас а, цу чохь мел волчо а масал ийцира. Оццул шегахь вон лазар доллушехь, шен хаза г1иллакх гайтира цо. Аллах1 Дала дукха бахабойла, иштта дайн г1иллакхаш диц ца дайта, кегийрхошка уьш д1акховдо, юкъахь марзо латто и тайпа ненананой, вай къаной а. 
                               

Автор: Зайтемиров Сайдик
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Ма хьегабайша ненан марзонах доьзал
Ножай-Юьртан к1оштара дуьйна, сайн мукъа де долчура, Соьлжа-Г1ала экскурсе веанера со. Массо меттехула гуо а баьккхина, цкъа ца даьллачу тайпанара самукъадаьлла,
Газет доцуш диса  кхерам бу вай...
Кхоьссина топ санна д1ауьдучу кху заманахь а, кху харцчу дуьненахь а со цецвала цхьа а тайпа х1умма дац, бохуш, 1аш волчу суна, цхьа х1ума тамашена хета (?!) – нохчийн
КIайн нускал
КIайн нускал
КIайн нускал
13.03.19 Общество
- Вай маца хир ду-те нахах тарделла дехаш!? Буьйсана 1уьйренга довлахьара, 1уьйрана суьйренга довлахьара, кханалерчу дийно х1ун дохьур-те бохуш, палтуьйсуш, д1адолуш
Эзар сом
Эзар сом
Эзар сом
06.02.19 Общество
-Стаг, хьо меца вуй? Чай молий ахь?
Ца доьгIна рицкъ
Ца доьгIна рицкъ
Ца доьгIна рицкъ
16.01.19 Общество
-Хьасипат, ас цхьа хаза х1ума дийца хьуна.











«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
все шаблоны для dle на сайте dletop.com скачать