Ца хууш кхаьллина хьач » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Ца хууш кхаьллина хьач
18.09.2019 75 0 niyso

Ца хууш кхаьллина хьач

Общество
В закладки
Сарралц кха т1ехь болх бина, суьйренца ц1а вог1уш вара Аюб.  Хьоча т1ехь цхьа хаза хьечаш гина, цергех хи тесна, дукха хазбелла, хьоча т1ера хьач баьккхира Аюба. Хьач биъна ваьлла, шолг1аниг баккха куьг кховдочу хенахь ц1аьххьана дагаиккхира цунна, ша ца хууш неха керта йистера хьач а баьккхина, и кхаьллина хилар. Дукха холчу х1оьттира Аюб.  - Ой, х1ара ма тамашийна х1ума ду ас динарг? -  бохуш ша-шега лен вуьйлира, юьхь т1ера бос хийцалуш.  Х1инца дера веза со, оцу хьочан х1усамда волчу вахана, цуьнга айса кхаьллина хьач хьанал сайна байта.
-Ассаламу 1алайкум, Дауд,  ц1ахь вуй хьо?
-Ва1алайкум ассалам, дера ву-кх, схьа чоьхьа вала.
-Х1ан-х1а, со чу веана ца 1а. Могуш-парг1ат 1аш дуй вай? 
-Далла бу хастам, дика 1а ! Вай дуй могуш-парг1ат 1аш?
- Аллах1ан хастам бу, вай ду дика 1аш. Со, хьо сайна къинт1ера ваккха веана. Тахана сарралц кха т1ехь болх бина, ц1а вог1уш ойлане ваьллачохь вицвелла, хазбелла, ца хууш хьан керта йистера некъаца долу аракхевдинчу га т1ера хьач баьккхина и кхаьллина ас. Со и хьоьга хьанал байта веана. Суна хьанал бахьара ахь.
- Цкъа чоьхьа вала, т1аккха жоп лур ду ас хьуна.
Юьхь т1ера бос хийцабелира Аюбан.
Аюбан коьрте ойланаш хьийзара, х1инца х1ун олу-те, сох бехк баккха воллу-те, я хьанал ца бан воллу-те? - бохуш. 
-Дика мел дерг дог1ийла кху керта!
-Диканца дукха вехийла хьо а! Зуда, сихха юург- мерг охьайилла!
Ма хьее юург , х1инцца йиъна вог1уш ву со, - элира Аюба.
-Х1ан-х1а, кху кертахь йиъна яц.
 Валол, шун т1е воьду вайша. Шуьнехь дара дукха хаза дакъийна жижиг, ахьар галнаш, к1он берам, ч1епалгаш, хингалш, кхехкийна г1абакх, хьечин, баьллин мутт.  
- Аюб, хьо г1айг1ане гуш ву суна, ас хьанал бина хьуна  ахь кхаьллина хьач. Со къинт1ера ваьлла хьуна ц1енчу даггара.  Дела реза хуьлда хьуна, Дала сий дойла хьан! 
Хьо ву хьуна вайн нохчийн  хьанала, бусулба, вуьззина къонаха. Ма дика, оьзда, хьанал к1ант кхиийна хилла хьо кхиийначу нанас, ма масала эца хьакъ  ву хьо. Дала сий дойла, оцу хьо кхиийначу ден, ненан. Хьо иштта хьанала,  бусулба к1ант хилча, хьоьца гергарло, доттаг1алла  дезара суна.
-Дала мукъ лахь,  ши ваша, ши доттаг1 ву-кх вайша!
-Дала мукъ лахь! Аюбан юьхь,  малх кхетча санна, серла елира цунах кхаъ хилла.Ас, айса синтарш д1адоьг1учу хенахь олу, ц1енчу Дела дуьхьа, адамашна, олхазаршна, кхийолчу муьлххачу садолчу х1уманна а, йиъначунна хьаналъеш, сайна, тхан дайшна, наношна т1ера, тхоьгарчу саг1е са мел туьйсучарна т1ера, саг1ийна дуьйш ду-кх хьо синтар, олий д1адуьй ас, Дала мукъ лахь. 
-Дала мукъ лахь, Дела реза хуьлда хьуна! Аллах1 Дала саг1а хуьлийтуьйла хьан уьш! 
Ма доккха саг1а ду и дуьненахь а, эхартахь а.
                          

Автор: Зайтемиров Сайдик
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Доьзалехь барт зударий бахьанехь буху
Цхьаьна, цхьа бахам а болуш, цхьа керт а йолуш, бехаш-1аш хилла зударий а балийна вежарий. Дех дисина долу дакъа а, берриге бахам а кхааннан юкъара а болуш, хаза вовшийн
КIайн нускал
КIайн нускал
КIайн нускал
13.03.19 Общество
- Вай маца хир ду-те нахах тарделла дехаш!? Буьйсана 1уьйренга довлахьара, 1уьйрана суьйренга довлахьара, кханалерчу дийно х1ун дохьур-те бохуш, палтуьйсуш, д1адолуш
Эзар сом
Эзар сом
Эзар сом
06.02.19 Общество
-Стаг, хьо меца вуй? Чай молий ахь?
Нана
Нана
Нана
23.01.19 Общество
Б1аьстенан дийнахь, суьйренца лечкъаргех ловза дуьйладелира бераш. Дуьххьара дагар дора цара,го а бой, шена т1ехь чекхдаьлларг гуо юкъара д1аволура.Гуо чекхбаьлча цхьаъ
Ца доьгIна рицкъ
Ца доьгIна рицкъ
Ца доьгIна рицкъ
16.01.19 Общество
-Хьасипат, ас цхьа хаза х1ума дийца хьуна.











«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
все шаблоны для dle на сайте dletop.com скачать