Ма хьегабайша ненан марзонах доьзал » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Ма хьегабайша ненан марзонах доьзал
18.09.2019 47 0 niyso

Ма хьегабайша ненан марзонах доьзал

Общество
В закладки
Ножай-Юьртан к1оштара  дуьйна,  сайн мукъа де долчура, Соьлжа-Г1ала  экскурсе веанера со. Массо  меттехула гуо а баьккхина, цкъа ца даьллачу тайпанара самукъадаьлла, Соьлжа-Г1алах б1аьрг буьзна ц1а ван Минутке веара со. Сихха Хасавюрта ван такси лехира ас. Цхьа меттиг оьшуш такси карийра суна. Цу чу хиъна схьадог1уш, Устрада-Г1али чу дулуш дара тхо. Шопаро  элира, шу дукха сиха а, дегаза а дацахь   цхьа-ши бер дара Устрада-Г1алара схьаэца дезаш. И ши бер да, нана вовшех къаьстина ду. Нана йолчу мукъа денош долуш далийна дара и ши бер. Дера дац тхунам дегаза, шун г1уллакх хилча, тхуна ял хир ю. - Стенга бига безаш бу уьш?                                
 - Хасавюрта бига безаш бу. Да Хасавюртахь 1аш ву. 
Кхочууш  Устрада -Г1алара церан  х1усаме кхечира тхо.  
Оцу Везачу Аллах1 Дала ма гойтийла суна кхин  и ирча сурт!
 Шайн мерзачу ненах ца къасталуш  мохь- орцанца яра ши йо1, беснеш т1ера татолах тера оьху б1аьрхиш цхьана меттехь соцуш хилча, х1орд хир болуш 1енара. Шина йо1аца, пекъар, миска ненанана яра, къурдаш деш, шен г1ийла  доьлхуш 1ийжа жима дог сецош. Масех т1оьрмиг бара нанас, ненананас  кечбина. Нана шина йо1ана т1аьхьа ца яьллера, шина йо1ана а,  шена а хала хир долу дела. Пекъар, нана коре яьлла, корехула къайлах б1аьрг бетташ, шен  г1ийла узамца, йоьлхура. Ненан оьгучу б1аьрхиша  х1ара дуьне дузур дар-кх. Машен чу ца хууш ненаненан мара етталуш, мохь-орцанца  халла машен чу хаийра ши йо1 ненананас. Машен корах етталуш, куьйгаш лестош  сахаддал йоьлхура ши йо1. Цаьрца такси чохь йолу зуда йоьлхура, сан дог  доьлхура, са деттарх б1аьрхиш  охьахьаьвдира, хьулдан г1ертара со сайн б1аьрхиш.  
Дависа х1окху дуьненан, оццул мерза йолу нана, доьзал вовшах ца хьегийча ца магара-те? Жимчохь  сайн да, нана вовшех къаьстачу хенахь  мохь - орца ала да воцуш висина волу, сой дага веара суна. Дерриге карладаьллера. Б1аьрхиш 1енош йоьлху сайн нана, со мара воьллина  барташ бохуш, сох къаста ца луш, со мара къийлира цо. Юха сайн  ненан марара  цхьаммо д1аийзавора со.  Доьлхучу дагна, оьхучу б1аьрхишна,   цхьа гуш вацара, сайн мерза нана бен. Ненан коч схьалаьцна д1а ца хоьцуш, и ийзайора ас,  мохь - орцанца, «Нанааа»,- бохуш, юха цхьаммо д1аийзавора, сох къа ца хеташ, мерзачу ненан карара ваьккхира со. Мохь - орца доьхура ас, са хаддаза воьлхура. Нанна т1аьхьа вада карара вала г1ертара со, ницкъ эшнера, карара вала ца лора. Юх-юха хьоьжуш, шен жимачу к1орних къаста  ца луш,  латтах х1орд беш,  гучура д1атилира нана. Кхин ца соцуш са ийзош  буьйса хилира суна. Сайн ненан марзо, ненан йовхо, ненан кхача безаш, кхин кхачанах батт ца туьйхира ас. Т1орказ т1ехь карийна сайн ненан коч мара йоьллина,  д1а ца хоьцуш, суна наб кхийтира. Г1енах нана еара суна. «Наниниг», «хазаниг»,  - бохуш барташ бохуш, суна юххе д1айижина со мара воьллина, цхьа хаза сумукъа даьлла со воллуш, ц1еххьана сама велира со. Юххехь сайн мерза нана ца гича, сан хилла дог ма хила цхьана доьзалхочун. Маьнги т1ера воьлхуш хьалаиккхира со, массо меттехула нана лоьхура ас, дуьрачу б1аьрхишца, амма яцара карош мерза нана. Юха сайн ненан коч схьаэцна, са  хаддаза, нана д1аяханчу некъа хьоьжура со, иза юха схьаяре сатуьйсуш ладег1ара ас. Сан хьомечу, дикачу, оьздачу,  ненадас, ша  нана, бер вовшех хьегор дац аьлла, со  ц1ахь кхаба  сацам бира. Со вало тхан ненайиша яийтина,  тхан ненадас схьавалавайтира со. Нана йолчу со кхаьчча дерриг дуьне серла даьлла, ненан мара кхетта, сайн ненан карара охьа ца вуссуш, со охьавоьссича сой д1авигарна кхоьруш, дикка денош даьхьира ас, сих-сиха буьйсанна набарха волура со, уллохь сайн мерза нана ца хиларна кхоьруш. Ткъа ненан юьхь яра х1инцалц боданехь лаьттина, сирла, екхна, малх кхетта.
Цхьацца болчу наха хабарш дуьйцура, куралла йинчу нехан к1ант шаьш ц1ахь кхобур вацара, ма кхаба и бохуш. Ткъа тхан ненадас алара: «Х1ан-х1ан  ша нана, бер вовшех хьегор дац». Дуьненахь, Эхартахь шен ял яьккхина тхан ненадас. Баркалла цунна, со, сан нана вовшех ца хьегош, марзонах ца къастийтина.
    Т1аккха т1ехьа вирзина шина йо1е элира ас: «Ма елха ший а, шушиъ санна жима волчу хенахь,  мерзачу ненах со ма хьегна!  Дукха ца 1аш шушиъ, шу нана, шу цхьана хир ма ду».
- Ваша, баккъал хир дуй тхо цхьана?
- Дера хир ду.
Екхаелла, серла елира шина йо1ан яххьаш, юха  елхара ши йо1, Хасавюрт кхаччалц йоьлхуш еара и шиъ. Со чуьра охьавуссуш, шопар юьстах ваьккхира ас: «Оцу берийн да вевзий хьуна?» - аьлла.
- Дер вевза.
- Цо х1ара бераш, нана цхьана х1унда ца туху, къа ца хета цунна кху доьзалх?
- Валлах1и хаац суна-м, цуьнан кхин х1усамнана, доьзал ма бу.
- Хилча х1ун ду? Цхьанхьа  кхин х1усам йина нана, бераш  вовшах тоха ца мега цо, ваша, хьо дика вара, вистхилахьара хьо, и нана, бераш вовшахтоха але, къа ма ду церан, ненах къаьстинчарна бен хуур дац, ненан марзонах къаста мел хала ду. Оцу берийн де лоьмар юй хьоьгахь, елахь со виста хир вара?.
- Дала мукъ лахь, вист хир ву со. Лоьмар яц соьгахь.
 Шопаре сайн лоьмар елира ас,  хаам бер ахь соьга аьлла, з1ене ца вели, цхьа хаам бац. Иштта дикка денош д1адевли, и шопар лаха аравелира со, амма Хасавюртахь, я Соьлжа-Г1алахь кара-м ца вира. 
Сил къиза муха хир ву, х1унда хьегабо доьзал ненах, шен а, шен ненан а марзонах  х1унда ца дусту. Хилларш, лайнарш, хьаг1, гамонаш д1а х1унда ца йоху?! Доьзал стен бехке бу? Дуьненахь нана йоллушехь, нана елла хан яккха боху те? Х1унда ца йо вай доьзалан ойла? Иштта масане бу уьш, нана, бераш вовший ца гойтуш, шаьш х1уттаре йо бохуш, 1аьржа дегнаш шен кийрахь латториш. Дикка ойла е!  Тахана ду вай, кхана доцуш хуьлу вай. 

Автор: ЗАЙТЕМИРОВ Сайдик
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Эзар сом
Эзар сом
Эзар сом
06.02.19 Общество
-Стаг, хьо меца вуй? Чай молий ахь?
Кхане - «Орга» журналаца
-Нана, хьоьгахь ерг х1ун ю?-»Орга» журнал ду.
Нана
Нана
Нана
23.01.19 Общество
Б1аьстенан дийнахь, суьйренца лечкъаргех ловза дуьйладелира бераш. Дуьххьара дагар дора цара,го а бой, шена т1ехь чекхдаьлларг гуо юкъара д1аволура.Гуо чекхбаьлча цхьаъ
Ца доьгIна рицкъ
Ца доьгIна рицкъ
Ца доьгIна рицкъ
16.01.19 Общество
-Хьасипат, ас цхьа хаза х1ума дийца хьуна.
Нана
Нана
Нана
21.11.18 Общество
«Ненах къаьстича беран даг т1ера зезаг дужу», – олуш хезна суна жималлехь. Вуно нийса аьлла дешнаш ду уьш. Бер, мел яккхий халонаш т1ех1иттарх а, ирсе ду ненаца. Цунна











«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
все шаблоны для dle на сайте dletop.com скачать