Машаран дахар ду-кх вайна оьшург » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Машаран дахар ду-кх вайна оьшург
04.09.2019 13 0 niyso

Машаран дахар ду-кх вайна оьшург

Общество
В закладки
«Терроризмаца болчу къийсам т1ехь дог лазар» - иштта билгалдаьккхина ду вайн мехкан календарь т1ехь 3-г1а сентябрь. Ткъа кху шара Россехь и иэсан терахь  билгалдоккхуш ду  х1инца уьтталг1а.

Оцу деношкахь массо а махкахь дагабоуьйту террористически актийн жам1ашкахула х1аллакьхилларш: граждански бахархой а, шайн декхар кхочушдеш х1аллакьхилла болу бакъонаш ларъяран дакъойн белхахой а.
И иэсан терахь х1оттор коьртачу декъана доьзна ду 2004-чу шеран сентябрь баттахь хиллачу бохаман хиламашца. 
Оцу деношкахь Беслан г1алин №1-чу школехь йинчу терактан жам1ашкахула х1аллакьхилира 334 машаре адамаш а, бакъонашларъяран органийн белхахой а. Тешам боллуш ала деза, дерриге дуьне а карзахдаьккхира оцу беслановски хиламаша, цхьа а ца висира цуьнах дог ца лозуш… Бесланехь хилларг дицлур дац, бицлур бац иштта цигахь бераш к1елхьара дахарна шайн синош д1аделларш а.
И хиламаш беккъа вайн мехкан бохам хилла ца 1а. Дерриге а дуьненахь и т1елоцу шайна  хилла болу бохам санна.
Оцу дийнахь дуьненан дукхах йолчу меттигашкахь д1ахьо тайп-тайпана мероприятеш.
Ткъа вай дагабоуьйту иштта Москвехь, Волгоградехь, Буйнакскехь, Волгодонскехь, Первомайскехь, Кизлярехь, мехкан кхечу меттигашкахь д1аяхьначу терактийн жам1ашкахула х1аллакьхилларш.
Терроризмаца къийсам латторан г1уллакх кхиамца д1ахьош ду кху т1аьхьарчу шерашкахь. Къаьсттина оцу ладамечу балха т1ехь дикачу кхиамашка кхаьчна Нохчийн Республика, Дег1аста, вайн мехкан кхийолу субъекташ.
Тахана, х1аллакьхилларш дагабоуьйтуш, вайн цхьаалла ю берриге ницкъашца терроризмана дуьхьалдовларан т1ехь, х1унда аьлча, юкъарчу ницкъашций а бен кархдер дац оцу зуламна т1ехь толам баккха. Ткъа иза, ас лакхахь билгал ма-даккхара, къеггина гуш ду вайн таханенан долчу дахарехь. Дала мукъалахь, тахана маьрша ду вайн дахар. 
Массо а х1уман т1ехь вуно само еш, шайн профессиональни декхарш кхиамца кхочушдеш, профилактически мероприятеш д1ахьош, дийнахь-бусий къахьоьгуш схьабог1у вайн бакъонашларъяран органийн белхахой, вуьшта, уггаре  а коьртаниг – оцу г1уллакхна юьстах ца лаьтта ша юкъаралла а. Кхечу дешнашца аьлча, цкъа а ца хиллачу кепара барт болуш, само латтош д1ах1оттийна бу вайн махкахь терроризмаца къийсам латторехула болу болх.
Дала аьтто бойла вайн массо а дикачу х1уман т1ехь, вайн дахар кхерамазаллин хорша дерзоран т1ехь.

Автор: Салвади Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Конституци - вайн дахаран коьрта закон
2003-чу шеран 10-чу июлехь Дег1аста Республикин Конституционни Собранис т1еэцнера Дег1аста Республикин керла Конституци. Цуьнан официальни йовзийтар хилира 26-чу июлехь.
Бераш – вайн кхане
Бераш – вайн кхане
Бераш – вайн кхане
29.05.19 Общество
Дуьненанюкъара бераш лардаран де – уггар а ширчу дезчудийнех ду. Иза дерриге а дуьненахь билгалдоккхуш ду 1950-чу шарахь дуьйна. Бераш лардаран де – иза уггар хьалха,
12-г1а декабрь – Российски Федерацин Конституцин Де
Конституцин Де – Россин пачхьалкхан дезчуденойх уггаре а ладамечух цхьаъ ду.
3-гIа декабрь – Дуьненаюкъара заьIапхойн де
Дуьненаюкъара заь1апхойн де ООН-н Генеральни Ассамблейс кхайкхина 1992-чу шеран 12-чу октябрехь.
30-гIа октябрь – политически таIзарех хIаллакьхиллачеран иэсан де
Оцу дийнахь массанхьа д1аг1о политически та1зарша х1аллакьбинчу нахана лерина акцеш, иэсан мероприятеш. Ткъа Россехь уьш д1аг1о, 1991-чу шарахь дуьйна 30 октябрехь. И











«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 
все шаблоны для dle на сайте dletop.com скачать