Мухьаммад–Пайхамаран цΙе лелор ю керлачу маьждиго » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Мухьаммад–Пайхамаран цΙе лелор ю керлачу маьждиго
28.08.2019 30 0 niyso

Мухьаммад–Пайхамаран цΙе лелор ю керлачу маьждиго

Общество
В закладки
Кху шеран 23-чу августехь Нохчийн Республикерчу Шела –гΙалахь схьадиллина Европехь а уггаре доккха маьждиг. Иза дан долийнера 2012-чу шеран декабрь баттахь, ткъа цуьнан схьаделлар Нохчийн Республикин хьалхара Президент Кадыров Ахьмад-Хьаьжа вина 68 шо кхачарна лерина хилира. Маьждиг схьадоьллуш дΙадаьхьначу даздаршка баьхкина эзарнаш бусалба нах бара, Россера хилла ца Ιаш, Уллорчу Малхбалера а, Узбекистанера а, Мароккера а кхечу пачхьалкхашкара а бара уьш. Мероприятехь дакъалецира Россин Президентан Къилбаседа Кавказан Федеральни Округан векала Матовников Александра а, Къилбаседа Кавказан гΙуллакхашкахула волчу РФ-н министра Чеботарев Сергейс, кхечу официале наха. Къаьсттинчу тергамехь бара Бахрейнера, Мароккера, Палестинера баьхкина Ιеламнах. Кхуза кхайкхина 43 пачхьалкхера 200 хьаша вара. Царна юкъахь Ιеламнах, министраш, вузийн ректорш, журналисташ бара, уьш берриш а схьабаьхкинера кхузахь дΙахьочу даздаршка.
Матовниковс Россин Президентан Путин Владимиран декъалдар дΙадийшира гулбеллачарна хьалха: 
«Иштта йоккха проект кхочушъяр – Шела-гΙалин а, ерриге а Нохчийчоьнан а бахархошна Ιаламат мехала а, боккха а хилам бу. Керла маьждиг синан а, серлонан а туш хилла дΙахΙуттур ду, ислам-динан  бакъдолу а, довр доцу а мехаллаш шена чулоцуш, ерриге а регионехь динан а, культурин а бух а хир бу цунах», – аьлла, дешнаш дара Путин Владимиран декъалдарехь.
  Маьждиг схьадоьллуш, ша динчу къамелехь Нохчийн Республикин Куьйгалхочо Кадыров Рамзана билгалдаьккхира, Шеларчу маьждиго Мухьаммад-Пайхамаран цΙе лелор ю аьлла. Иза деш къахьегначарна даггара баркалла элира цо, гΙишлонна тΙехь бина белхаш шен хеннахь а, дика а кхочушбарна.
 Маьждиг схьадиллинчул тΙаьхьа кхуза баьхкинчара дуьххьарлера рузбанан ламаз дира. 30 эзар стаг вара цу хенахь маьждигна чохь. Иза Шела-гΙалина юккъехь, «Шали-сити» олучу гΙишлойн комплексана уллехь ду. Маьждиг 10 гектар лаьтта тΙехь лаьтташ ду. Цуьнан момсарш 63 метр ю, нартолан лакхалла 43 метр ю. Ша гΙишло грекийн Таос цΙе йолчу гΙайри тΙера беана шагатΙулг тΙебиллина ю. Иза шурул кΙайн а болуш, Ιаламат хаза тΙулг бу. Цу тΙулган башхалла ю: аьхканан заманахь маьлхан йовха зΙаьнарш дΙататтар, чохь шело латтор.  Маьждига чохь Хонкарахь (Турци) йина йозаллина шиъ ах тонна барам болу люстра кхозу. ГΙишлонна гонах 12 чухчаре ю, Нидерланды-пачхьалкхера деана дитташ а, роза-зезагаш а ду дΙадийна. Ялсаманин  беш санна хаза ю маьждигна гонах йолу меттигаш. 
  ГΙишлонан проектан автор ву дуьненахь а шуьйра вевзаш волу узбекийн архитектор Турдиев Ιабдукаххар. ВорхΙ шарахь гергга къахьегна цу сийлахьчу говзанчас, шен проект кхочушъяран белхаш дΙакхоьхьуш. 
ГΙишлошъяран белхаш дΙабаьхьира Кадыров Ахьмад-Хьаьжин цΙарах йолчу Фондо. 

Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Дала къобалдойла!
Дала къобалдойла!
Дала къобалдойла!
28.08.19 Общество
Нохчийн Республикин хьалхара президент, Россин турпалхо Кадыров Ахьмад-хьаьжа дуьненчу ваьлла 68 шо кхачар шуьйра билгалдаьккхира Нохчийчохь а, иштта нохчий бехачу кхечу
Керла лехамаш, некъаш
Керла лехамаш, некъаш
Керла лехамаш, некъаш
30.04.19 Общество
Соьлжа-ГІаларчу «Локал» отелехь дІаяьхьира бизнес а, цуьнца доьзна гІуллакхаш а исламан новкъахь дІадахьарх лаьцна йолу Іилманан-практически конференци: «Ислам-динан
Исламан дуьненаюкъара конференци
ДІадаханчу пІерасканан дийнахь Соьлжа-ГІалахь шен болх чекхбаьккхира Исламан дуьненаюкъарчу конференцино. «Ислам – къинхетаман а, машаран а геланча» цІе йолу
Соьлжа-ГІалех лаьцна керла книга
Дика ламаст хилла схьадогІуш ду Абузар Айдамировн цІарахчу Республикин къоман библиотекехь яздархойн, поэтийн, культурин гІуллакххойн кхоллараллин суьйренаш а, юбилейш
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин











«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930 
все шаблоны для dle на сайте dletop.com скачать