Нохчийн поэтан Исмаилов Абун юбилей » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Нохчийн поэтан Исмаилов Абун юбилей
21.08.2019 28 0 niyso

Нохчийн поэтан Исмаилов Абун юбилей

Общество
В закладки
14 августехь, Соьлжа-ГΙалахь Къоман библиотекехь дΙадаьхьира нохчийн поэтан, яздархочун, Ιилманчин Исмаилов Абун 70 шо кхачарна лерина даздарш. Юбилейн суьйренехь дакъалецира шуьйра бевзаш болчу нохчийн яздархоша, культурин гΙуллакххоша, Ιилманчаша, журналисташа, Исмаилов Абун кхолларалла езархоша. Цхьаьнакхетар дΙахьош волчу поэта, литературоведа Цуруев Шарипа Абун кхоллараллех а, дахаран некъах а лаьцна  дийцира. Иштта Исмаилов Абун кхоллараллех лаьцна къамел дира цхьамогΙа яздархоша а, Ιилманчаша а, юкъараллин гΙуллакххоша а, Абун гергарчу наха а: Нохчийн яздархойн Союзан председатела Ибрагимов Кантас, поэта Кусаев Ιадиза, литературоведа Алиева Заринас, поэта Сельмуханов Мусас, журналиста Эльдарханова Зайнапа, яздархочо Халикова Асета, Абун гергарчу стага Наврузов Ахьмада, иштта кхечара а.
Къамел диначара билгалдаьккхира Абу доккха похΙма долуш, нохчийн меттан йоккха говзалла шегахь йолуш поэт а, яздархо а, гочдархо а хилар. Иза нохчийн литературехь къахьоьгуш волу дуккха а хан ю. Цуьнан дуьххьарлера стихаш поэтан 16-17 шо долуш зорбане йийлина. Къона яздархой цхьаьнатоьхна, церан корматаллин пхьалгΙа хилла йолу литературни цхьаьнакхетаралла «Пхьармат» дΙадаханчу бΙешеран 70-чу шерашкахь кхоьллинчарах цхьаъ ву Абу.  Поэта массийта книжка зорбане яьккхина, иза поэт хилла ца Ιа, цуьнан прозин а, драматургин а произведенеш ю. 
 Гулбеллачара къасттийначу тидаме диллира Исмаилов Абус Ιилманчас санна бина болх. Дуккха а шерашкахь къахьегна, цо зорбане баьккхира «Дош» цΙе йолу дошам. Иза Ιаламат мехала дошам бу, хΙунда аьлча автора цунна юкъадалийна хΙинца маттехь лелаш доцу шира дешнаш, ткъа иштта керла юкъадевлла дешнаш-неологизмаш.  Абун дошама тΙехь маттаца болх беш волчунна муьлххачунна шена пайден долу хΙума карор ду. Массара даггара баркалла элира Абуна цо дошама тΙехь сел леррина къахьегарна.
Юбилейн суьйренехь поэтан стихаш йийшира къоначара: яздархоша, поэташа, студенташа. 
Гулбеллачеран самукъадаьккхира Исмаилов Абун а, кхечу поэтийн а стихаш тΙехь яьхна эшарш дΙалекхначу артисташа: Нохчийн республикин халкъан артиста Ясаев Мохьмада, Нохчийн къоман театран артиста Мунашев Адама, кхечара.
Цхьаьнакхетар дерзош, баркаллин дош олуш, вистхилира Абу. Цо даггара баркалла элира, шен сий дина, кху суьйрене баьхкинчарна.
Арсанукаев Муса  

Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Литературни конкурсан жамΙаш
Суьйре дΙахьош волчу Нохчийн Республикин Яздархойн Союзан правленин председатела Ибрагимов Кантас дийцира конкурсах лаьцна. «Бенойн бΙаьсте» цΙе йолу, къоначу авторшна
Соьлжа-ГІалех лаьцна керла книга
Дика ламаст хилла схьадогІуш ду Абузар Айдамировн цІарахчу Республикин къоман библиотекехь яздархойн, поэтийн, культурин гІуллакххойн кхоллараллин суьйренаш а, юбилейш
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Сентябрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
30 
все шаблоны для dle на сайте dletop.com скачать