Дала ма эшадойла вай вовшашна! » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Дала ма эшадойла вай вовшашна!
31.07.2019 30 0 niyso

Дала ма эшадойла вай вовшашна!

Общество
В закладки
Дег1астанан нохчийн журналистика, со г1алат ца ваьллехь, «Доттаг1алла» («Дружба» газетан дубляж) газетан т1ера схьайолаелла. Шиъ аг1о йолу и нохчийн маттахь долу газет (дубляж) арадала доладелира 60-чу шерашкахь. Юьхьанца и г1уллакх д1акхийхира Хункеров Висирхьажас, – Атиев Зах1ира, йижарша Арсланалиевг1ар - Зухрас, Хубайдата, йижарша Бартиевг1ар - Т1ауса, Билкъиза. Мах хадийна ца валлал боккха болх бара цара оцу заманахь бинарг. Уьш а, оцу шерашкахь царна уллохь лаьттинарш а бакъболу патриоташ хилла бисина вайн исторехь. Амма, Сибрех 13 шо а даьккхина, Даймахка ц1абирзинчу вайнахана ч1ог1а оьшура шен зорба (газет). Ала деза, дуккха а болчу, вайн къоман бала кхаьчна лелачу наха дижа ца дуьтура и г1уллакх: кехаташ яздора, ерриге а аьлча санна, районни а, республикански а инстанцешка. Оцу г1уллакхо деара билггалдолу жам1 а. Дег1астанан нохчийн исторехь дуьххьара арадала доладелира (1990 шо, 2 август) вайн къоман газет – «Халкъан аз». Иза боккха кхаъ бара Дег1астанан нохчашна. Кхин х1умма а ца хилча, газетан аг1онаш т1ехь араяла юьйлира вайн коьртачу проблемах – «Ауховски район» метта х1отторан хьокъехь йолу материалаш. Вайн таро хилира вайн лазамаш кхечу къаьмнашна бовзийта а, уьш лаккхарчу 1едалашка д1акхачо а. Оцу чолхечу шерашкахь атта дацара и г1уллакх вовшахтоха.
Делахь а, Делан аьттонца, вайн юкъараллехь нисбелира и болх вовшахтоха хьекъале болу векалш.
Царах цхьаъ вара газетан хьалхара редактор Аблиев Зайнди. Цунна боццачу муьрехь карахделира шен «Команда» вовшахтоха. Иштта, 1990-чу шеран 2 августехь араелира «Халкъан аз» газетан хьалхара номер.
Цу т1ехь сецна ца 1ийра Зайнди. Цуьнан боккха лаам бара вайн газетана республикански статус яккхарна т1ехь. И лаам а, Даламукълахь, кхочушхилира 2001-чу шеран март баттахь – зорбанехь арадала доладелира «Нийсо-Дагестан» ц1е йолу вайн газета. Доцца аьлча, кху деношкахь (2 августехь) 29 шо кхочу вайн газетана. Оцу шерийн йахаллехь газета дезаш т1еоьцу вайн махкахоша.
Бакъду, цуьнга язбалар ледара долуш ду кху т1аьхьарчу хенахь. Цуьнан а шен бахьанаш ду. Уьш дийца ца г1ерта со. Тахана суна луург – редакцин доттаг1ашна баркалла алар ду. Дала аьтту бойла шун! Дала ма эшадойла вай вовшашна!

Автор: Салвади Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Газет доцуш диса  кхерам бу вай...
Кхоьссина топ санна д1ауьдучу кху заманахь а, кху харцчу дуьненахь а со цецвала цхьа а тайпа х1умма дац, бохуш, 1аш волчу суна, цхьа х1ума тамашена хета (?!) – нохчийн
Конституци - вайн дахаран коьрта закон
2003-чу шеран 10-чу июлехь Дег1аста Республикин Конституционни Собранис т1еэцнера Дег1аста Республикин керла Конституци. Цуьнан официальни йовзийтар хилира 26-чу июлехь.
Бераш – вайн кхане
Бераш – вайн кхане
Бераш – вайн кхане
29.05.19 Общество
Дуьненанюкъара бераш лардаран де – уггар а ширчу дезчудийнех ду. Иза дерриге а дуьненахь билгалдоккхуш ду 1950-чу шарахь дуьйна. Бераш лардаран де – иза уггар хьалха,
25-гIа апрель – нохчийн меттан де
Шен ненан мотт халкъо, Сий ойбуш, 1алашбахь, Цу халкъан парг1ато Цхьаммо а хьошур яц Мамакаев Мохьмад Хууш ма-хиллара, Нохчийн Республикин куьйгалхочо Кадыров Рамзана
...Ас дозалла до
...Ас дозалла до
...Ас дозалла до
03.04.19 Общество
Хьалхара апрель – Дег1астанан Радиохь нохчийн маттахь йолу редакци кхоллаелла де.











«    Август 2019    »
ПнВтСрЧтПтСбВс
 1234
567891011
12131415161718
19202122232425
262728293031 
все шаблоны для dle на сайте dletop.com скачать