Исламан дуьненаюкъара конференци » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Исламан дуьненаюкъара конференци
10.04.2019 637 0 niyso

Исламан дуьненаюкъара конференци

Общество
В закладки
ДІадаханчу пІерасканан дийнахь Соьлжа-ГІалахь шен болх чекхбаьккхира Исламан дуьненаюкъарчу конференцино. «Ислам – къинхетаман а, машаран а геланча» цІе йолу дуьннаюкъара конференци дІайолаелира 28-чу мартехь Москва-гІалахь «Президент-отелехь». Цу дийнахь цигахь хилира кхеташонаш: «Исламехь машарачу дахаран баххаш» , «Россин бусалба нах а, дуьненан юкъаралла а», «Терроризм а, экстремизм», ткъа иштта цуьнан декъашхоша дІадаьхьира цхьамогІа дагадовларш, дийцаре дира динаца долу дуьненчуьра хьелаш. Цул тІаьхьа, 29-чу мартехь, Конференцино болх  Соьлжа-гІалахь кхин дІа а бира.
Билгалдаккха догІу, цу бусалба нехан цхьаьнакхетарехь дакъалоцуш 43 пачхьалкхера 250 стаг вара: СаІудийн Аравера, Мисарара, Чинера, Йеменера, Урданера,Иракхера, Иранера, Іарбийн цхьаьнакхеттачу эмираташкара, Кувейтера, Пакестанера,Палестинера, Хонкарара, США-ра, Швейцарера, иштта кхечу мехкашкара а. 
Делегацина юкъахь дуьненчохь шуьйра бевзаш болу динан а, юкъараллин а, политикин а гІуллакххой бара: Дерригдуьненан Исламан лигин генеральни секретарь, доктор Мухьаммад бин Абдуль-Карим Аль Иса,Бусалба нехан цхьаьнакхетараллийн дуьненаюкъарчу кхеташонан генеральни секретарь ,доктор Муххьаммад Бишари, Мисаран лакхара муфти доктор Шавки ИбрахІим Аллам, кхиберш а. 
Конференцехь дийцаре дира дуненчохь Ислам динаца доьзначу дахаран машаре хиларан хьелаш, билгалдехира терроризм а, экстремизм а кхолладаларан бахьанаш, дийцаре дира цаьрца къийсам латтор ерриге а пачхьалкхийн юкъара гІуллакх хилар. Цул сов, конференцин декъашхоша,  лаккхара мах а хадош, къобалдира Россин а, Исламан дин лелочу пачхьалкхийн а юкъаметтигаш беркате а, дуьненна пайда бахьаш а хилар. Ткъа иштта халахетарца билгалдаьккхира  Исламе цабезам болчу наха кхечу динехь болчаьрца йолчу юкъаметтигашна новкъарло еш хилар. Дуьненчуьрчу адамашка машаре а, вовшашка ларам хиларе а кхайкхира конференцин дакъалацархоша.
Нохчийн Республикин куьйгалхочо Кадыров Рамзана  тІеийцира конференце баьхкина хьеший. Цигахь цунна Палестина пачхьалкхан «Иерусалиман седа» цІе йолу лаккхара совгІат делира. Цул сов, Дерригдуьненан Исламан лигин «Исламан Турпалхо» аьлла дарж а делира Нохчийчоьнан куьйгалхочунна. Кадыров Рамзана даггара баркалла элира шена совгІаташ даларна, цо билгалдаьккхира, бусалба нехан гІуллакхна оьшучу меттигехь ша аравала мичча хенахь а кийча хилар.  
Конференцино шен болх берзийча,  цуьнан дакъалацархошна республикин пачхье а йовзийтира. Хьешашна Соьлжа-Г1алахь гайтира:  Зезагийн парк,  г1ишлойн «Грозный-Сити» комплекс,  «Нохчийчоьнан дог» маьждиг,  Къоман музей,  Сийлаллин мемориалан комплекс, кхийолу меттигаш. 
Билгалдаккха догІу,  Исламан дуьненаюкъара конференци вовшахтохарехь дакъалаьцна Нохчийчоьнан бусалбанийн динан урхалло, Кадыров Ахьмад-Хьаьжин  ц1арахчу Юкъараллин фондо, Россин 1илманийн академин Малхбален 1илманийн институто, иштта Исламан культурина а, дешарна а, 1илманна а г1о-накъосталла латторан фондо, Дерригдуьненан Исламан лиго.

Автор: Арсанукаев Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Соьлжа-ГІалех лаьцна керла книга
Дика ламаст хилла схьадогІуш ду Абузар Айдамировн цІарахчу Республикин къоман библиотекехь яздархойн, поэтийн, культурин гІуллакххойн кхоллараллин суьйренаш а, юбилейш
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
3-гIа декабрь – Дуьненаюкъара заьIапхойн де
Дуьненаюкъара заь1апхойн де ООН-н Генеральни Ассамблейс кхайкхина 1992-чу шеран 12-чу октябрехь.











«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
все шаблоны для dle на сайте dletop.com скачать