...Ас дозалла до » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


...Ас дозалла до
03.04.2019 55 0 niyso

...Ас дозалла до

Общество
В закладки
Хьалхара апрель – Дег1астанан Радиохь нохчийн маттахь йолу редакци кхоллаелла де.

1982-г1а шо дара иза. Оцу шеран хьалхарчу апрелехь Дег1астанан Радиохь дуьххьара дийкира нохчийн маттахь «Къамел до Махачкалара» аьлла долу дешнаш. Ткъа боккъалла а исторически хилла болу и хилам, боккха кхаъ хилла т1еийцира вайн махкахоша.
Уггаре а хала нисделира редакци схьайиллина хьалхара шо. Оцу хенахь вайнехан юкъахь бацара журналистийн корматалла йолу говзанчаш. Ерриге дегайовхо школашкахь къахьоьгучу нохчийн  меттан хьехархошна т1ехь яра. Иштта оцу г1уллакхна хьалха велира Испайханов Явмурад.
И вара редакцин хьалхара редактор. Ткъа редакцийна диктор оьшура. И болх хьалхарчу муьрехь кхиамца д1акхийхира Арсаналиева Зухрас. Оцу хенахь иза Хасавюрт г1алахь йолчу нохчийн радион диктор яра. Цул т1аьхьа, Дала шена елла оьмар чекхяллалц аьлча санна, и болх д1абехьира Гамзатова Амината.
1983-чу шарахь Явмурада цига балха вигира Умаханов Эдальгери. К1еззигчу хенахь цуьнца болх бира Хазбулатова Маьлхазнис. Иза цигара д1аяьлча, редакце балха нисвелира со а. Цхьа болх боцург, 1ер-дахарна цхьа а хьелаш дацара кхузахь кхоьллина. Цундела дара редакце балха х1уьттурш, дукха ца 1аш, бухабовлар. Оцу хьалхарчу муьрехь иттаннаш нисбелира и тайпанарш.
Бакъдолуш, со редакцехь «сацийнарг» Умаханов Эдальгери вара. Тхо цхьана дешна дара Нохч-Г1алг1айн пачхьалкхан университетехь. Доттаг1алла дара юкъахь. Вуьшта, «патриотизм» бохург а дара тхан хьалха даьккхина лелош. Иштта 18 шарахь цхьана болх бира оха – Эдальгери бакъдуьне д1аверззалц. Цул т1аьхьа сан  гихь дисира и дукъ. Нисса 25 шарахь къахьегна ас Дег1астанан Радиохь. Дохковаьллий? Ца ваьлла! Дуккха а доттаг1аллин уьйраш тесна ас оцу шерийн йохаллехь. Евзина  дукха меттигаш, девзина адамаш.
Ас тахана дозалла до Дег1астанан журналистикехь шайн йоккха лар йитинчу говзанчашца Гамидов Магомедаца, Будайчиев Магомедаца, Глухов Иванаца, Алиханова Луизица,  Спиранский Владимирца, Раджабов Абдулица, Едигарова Фаиница, Гилядов Нисонца,  Азизханов Алюсетаца, Галбацов Газимагомедаца, Абдулгамидов Аликаца, Багирова Имарица, иштта дуккха а болчу кхечарций цхьаьна ас болх бина хиларх.
Халахеташ делахь а, царах дукхах берш боцуш бу тахана. Амма цара битинчу бух т1ехь къахьоьгуш схьайог1у тахана а Дег1астанан Радион бертахь коллектив, царна юкъахь вайн нохчийн редакци а.

Автор: Салвади Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Къизаллин шераш
Къизаллин шераш
Къизаллин шераш
20.02.19 Общество
75 шо. Цхьана стеган оьмар. Оццул зама д1аяьлла, хууш ма-хиллара, вайнах махках а баьхна, оцу пана махка – Казахстане а, Юккъерчу Азе а д1ахьовсийна.Баккхийчеран
«2019-чу шеран хьехархо»
«2019-чу шеран хьехархо»
«2019-чу шеран хьехархо»
13.02.19 Образование
4-чу февралехь Дег1аста Республикин Хасавюртахь д1аяхьира, х1ора а шарахь хуьлу, «20190чу шеран хьехархо» ц1е йолу г1алин конкурс.
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031 
все шаблоны для dle на сайте dletop.com скачать