Соьлжа-ГІалех лаьцна керла книга » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Соьлжа-ГІалех лаьцна керла книга
27.03.2019 72 0 niyso

Соьлжа-ГІалех лаьцна керла книга

Общество
В закладки
Дика ламаст хилла схьадогІуш ду Абузар Айдамировн цІарахчу Республикин къоман библиотекехь яздархойн, поэтийн, культурин гІуллакххойн кхоллараллин суьйренаш а, юбилейш а, книгийн презентацеш а, кхин йолу мероприятеш а дІаяхьар. Иштта хилира дІадаханчу еарин дийнахь, 21-чу мартехь, Соьлжа-гІалех лаьцначу стихийн гуларан презентаци а йина. Иза вовшахтоьхнера Республикин къоман библиотекин белхахоша, шайн коьртехь библиотекин директор Исраилова Сацита а йолуш. 
  Книгех а, иза зорбане йоккхуш бинчу балхах а лаьцна дийцира презентаци дІахьош волчу, республикехь шуьйра вевзаш волчу журналиста а, поэта а Юсупов Руслана. Ша аьлча, цо билгалдаьккхира, Соьлжа-ГІалех лаьцначу гуларна юккъе 80 поэтан стихаш яхана хилар. Царна юкъахь тайп-тайпанчу къаьмнийн векалш бу: нохчий, гІалгІай, оьрсий,украинцаш, белорусаш, жуьгтий, кхечу къаьмнех берш. 
«Соьлжа-ГІала вайн массеран а хилла ю. Цунах лаьцна стихаш язйина берриге а аьлла поэташ вайн гІалахь бина а, кхиъна а бара, иза шен цІа а, синан ага хеташ бара. Вайн гІалица доьзнарг дерриге шайн кхолламца доьзна лорура цара, хІунда аьлча и дерриге а церан дагах чекхдолуш дара, церан синца а, дегІаца а дара,»  – элира Руслана.
  Соьлжа-гІалех лаьцна къамелаш а дира, шайн стихаш а йийшира суьйренехь дакъалаьцначу нохчийн поэташа: Кусаев Іадиза, Яричев Іумара, Мамакаев Эдуарда, Борхаджиев Хож- Бауддис, Ахматукаев Адама, кхечара а. 
 Ша Соьлжа-ГІалахь веха 60 шо сов хан ю, элира нохчийн халкъан яздархочо Кусаев Іадиза, кху гІалахь дІаяхна шен къона хан, кхузахь евзина шен дахарехь нислуш йолу марзонаш а, халонаш а. Дуккха а нах а бевзина, цхьаьнакхетарш а, къестарш а хилла. Кхоллараллин хьаьрмахь а кху гІалахь ваьллина, кхунах лаьцна стихаш а, статьяш а, талламан белхаш а язбина. Дукха а гІаланаш гина шена, амма Соьлжа-ГІалех ша уьш цхьа а хуьйцур яцара, элира поэта. 
ГІалгІайчуьра еанчу поэтессас  Даурбекова Розас а элира Соьлжа-ГІалех а, цунна леринчу стихийн гуларх  а лаьцна дош. Ша кху гІалахь кхиъна ю, шена цкъа а хетар яц хІара хийра, кхуьнан лазам шен лазам бу, кхуьнан ирс  шен ирс ду, элира гІалгІайн поэтессас. Розас Соьлжа-ГІалех лаьцна шен стихаш йийшира.
   Шайн стихаш йоьшуш видеороликаш яхкийтинера Дедков Игора а, Талхигова Розас а. Хьовсархошна къаьсттина тайра Республикин халкъан артисткас Ахмадова Хьавас нохчийн а, оьрсийн а меттанашкахь стихаш ешар.
  Шаьш бинчу балхах лаьцна дийцира Къоман библиотекин директора Исраилова Сацитас. Книги тІехь болх болабеш, шайн Іалашо Соьлжа-ГІалех лаьцна дуккха а авторша шайн говзарш кхоьллина хилар довзийтар яра, элира Сацитас. Шаьш гулйинарг 80 поэтан стихаш бен яц, амма уьш Іаламат дукха юй хиира шайна, билгалдаьккхира цо. И стихаш ешначарна хуур ду, мел довха, аьхна дешнаш аьлла поэташа вайн гІалех, цуьнан хазалла, цуьнан бахархойн исбаьхьа юкъаметтигаш, къаьмнийн доттагІалла хестадо цара. ТІеман заманахь вайн йохийна гІала, хІаллакдина адамаш мел боккхачу лазамца буьйцу цара, элира Сацитас.
 Суьйренан музыкальни декъехь жигара дакъа лецира къоначу иллиалархочо Бечирашвили Арсена а, Дудаев Хьусейна а, ткъа иштта «Къилбаседа Кавказан тІеман округан иллийн а, хелхарийн а ансамблан»  артисташа а. Хьовсархоша дика тІеийцира цара аьлла иллеш. 
 Книга нохчийн шуьйра бевзаш болчу художникийн Пашаев Абун а, Дадаева Фатимин а, кхечеран а суьрташца кечйина ю.Презентаци дІаяхьар Дуьненаюкъарчу поэзин денца нисделира, цундела иза къаьсттина мехала а, маьІна долуш а гІуллакх хилла дІахІоьттира.

Автор: Арсанукаев Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Июль 2019    »
ПнВтСрЧтПтСбВс
1234567
891011121314
15161718192021
22232425262728
293031 
все шаблоны для dle на сайте dletop.com скачать