«Нохчийн туьйранаш» книгин презентаци » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


«Нохчийн туьйранаш» книгин презентаци
06.03.2019 249 0 niyso

«Нохчийн туьйранаш» книгин презентаци

Общество
В закладки
21-чу февралехь, Соьлжа-ГIалахь, Республикин берийн библиотекехь дIаяьхьира  евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин презентаци. Цу мероприятехь дакъалоцуш бара нохчийн яздархой, Iилманчаш, журналисташ, юкъараллин организацийн декъашхой, дешархой.



Презентаци дIахьош йолчу Берийн библиотекин директора Сайдумова Зулайс Чагаева Тамарин кхоллараллех лаьцна дош аларца дIадолийра цхьаьнакхетар. 
«Республикин берийн библиотекина гуттар а гІо дина ю Тамара, хІора керла проект чекхъяккхарца тхуна книгаш ло цо, тхан мероприятешкахь дакъалоцу», –  элира Зулайс.
Тамарин балхах лаьцна, цо шен къинхьегамца нохчийн юкъараллина дечу гІуллакхех лаьцна дийцира филологийн Іилманийн доктора, профессора Джамбеков ШаІранис:
  «Тамарин болх коьрта долчу декъана фольклорца боьзна бу. Кхуо масех проект кхочушйина, нохчийн а, кхечу къаьмнийн а туьйранаш оьрсийн матте а, оьрсийн маттахь дерш нохчийн матте а гочдеш. Уьш ерриге а кхиамца чекх а евлла, ешархоша царах боккха пайда а эцна. Суна къаьсттина мехала хета, вайн тІекхуьучу тІаьхьенна нохчийн фольклор йовзуьйтуш, Тамарас хІара болх барна. Тахана вай йийцаре йина хІара проект – «Нохчийн туьйранаш» -, гуш ма-хиллара, кхаа маттахь ю: нохчийн, оьрсийн, ингалсан. Цу гІуллакхо гойту мел дукха къахьегна Тамарас а, кхуьнан накъосташа а, туьйранаш гочдеш, зорбане даха кечдеш».
Цул тІаьхьа къамел динчу журналисташа лаккхара мах хадийра Чагаева Тамарас бинчу белхан, дешарахошна хилла ца Іаш, нохчийн фольклор а, истори а, культура езачу муьлххачунна а пайден гІуллакх иза хилар тІечІагІдира цара.
Юкъараллин цхьамогІа организацийн декъашхоша а элира проектах дош. Иштта книгаш вайна оьшуш хилар билгалдаьккхира цара.
 Библиотекин белхахоша гулбеллачарна юкъахь викторина дІаяьхьира. Цуьнан хаттарш нохчийн литературех а, яздархойх а, культурин векалех а лаьцна дара. Иза чІогІа самукъане хилира, хІунда аьлча берашца цхьаьна баккхийчара а  жигара дакъалецира цу юкъахь.
  Цхьаьнакхетар дерзош, йистхилира проектан автор Чагаева Тамара. Цо дийцира, ша а, шен накъосташа а бинчу балхах лаьцна.
 «Вайн фольклор а, культура а евзаш ца хилча, къона тІаьхье кхачаме хир яц. Тахана вайн, баккхийчеран, декхар ду  нохчийн халкъан хазна – гІиллакх-оьздангалла, фольклор, исторех хаарш, синмехаллаш  -  царна йовзийтар а, дІаялар а», - элира Тамарас. Гулбеллачарна «Нохчийн туьйранаш» книга елира авторо а, презентаци дІаяьхьначара а.

Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Халкъан артистан кхоллараллин суьйре
Кху деношкахь Нохчийн къоман драматически театрехь дIаяьхьира Нохчийн республикин халкъан артистан, Кадыров Ахьмад-Хьаьжин орденан кавалеран Азаев Хьамидан кхоллараллин
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Март 2020    »
ПнВтСрЧтПтСбВс
 1
2345678
9101112131415
16171819202122
23242526272829
3031 
все шаблоны для dle на сайте dletop.com скачать