Халкъан артистан кхоллараллин суьйре » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Халкъан артистан кхоллараллин суьйре
06.03.2019 261 0 niyso

Халкъан артистан кхоллараллин суьйре

Общество
В закладки
Кху деношкахь Нохчийн къоман драматически театрехь дIаяьхьира Нохчийн республикин халкъан артистан, Кадыров Ахьмад-Хьаьжин орденан кавалеран Азаев Хьамидан кхоллараллин суьйре. 




Мероприяте баьхкинера республикин Правительствон а, министерствийн а, ведомствийн а векалш. Царна юкъахь бара: Нохчийн республикин Правительствон вице-премьер Ахмадов Муса, НР-н Куьйгалхочун а, Правительствон а Администрацин куьйгалхо Израйилов Iабдул-КъахІир, НР-н культурин министр Дааев Хож-Баудди, НР-н къоман политикин, арахьарчу зIенийн, зорбанан, хаамийн министр Умаров Джамбулат, Республикин Яздархойн Союзан председатель Ибрагимов Канта. Цул сов сийлахьчу артистан юбилейн даздаршкахь дакъалецира   Iилманчаша, культурин белхахоша, журналисташа, театр езархоша.
Суьйре дIахьош болчу Нохчийн къоман театран исбаьхьаллин куьйгалхочо Ахмадова Хьавас а, НР-н халкъан артиста Джамаев Iимрана а Азаев Хьамидан кхоллараллин некъах лаьцна дийцира. Иза Нохчийн театрехь болх беш волу 45 шо ду, цо 100 сов роль ловзийна театрехь а, кинохь а. Республикехь вевзина ца Iаш, вайн берриге а махкахь вевзаш артист ву Азаев Хьамид. 
Юбиляр декъалван сцени тIе кхойкху Правительствон вице-премьер Ахмадов Муса а, НР-н Куьйгалхочун а, Правительствон а Администрацин куьйгалхо Израйилов Iабдул-КъахІир а. Цара даггара декъалво Хьамид, вайн республикин Куьйгалхочо даийтина Баркаллин кехат дIадоьшу, юбилярана дуккха а шерашкахь халкъан культура кхиорехь хьанал къахьегарна Кадыров Ахьмад-Хьаьжин цIарах йолчу фондо даийтина ахчанан совгIат дIало. 
Азаев Хьамид декъалвеш, довха дешнаш элира НР НР-н культурин министра Дааев Хож-Бауддис, Іилманийн Академин вице –президента Дадашев Райкома, халкъан яздархочо Нунуев Саид-Хьамзата, дуккха а кхечара а. 
Массара а билгалдаьккхира Хьамид доккха похІма долуш артист хилла ца Іаш, шеца лаккхара адамалла долуш, гІо оьшучунна хьанна а орцахвала кийча волуш стаг хилар. 
Шайн белхан накъост декъалвира театран бевзаш болчу баккхийчу актераша а, ткъа иштта къоначу, искусствехь дуьххьарлера гІулчаш йохучу кегийрхоша а. Юбилярана лерина иллеш дІаэлира НР-н халкъан артисташа Межиева Маккас, Эбиев Ильяса, Дадашева Тамарас, Россин хьакъволчу, НР-н халкъан артиста Минцаев Мовсара, «нохчийн Карузо» аьлла цІе яханчу, къоначу иллиалархочо Умаев Амирхана. 
Хьовсархоша дехха тІараш детташ, даггара тІеийцира халкъана безаш болу артисташ. 
Суьйре ерзош, дош юбиляре делира. Цо даггара баркалла элира Республикин Куьйгалхочунна а, шен белхан накъосташна а, суьйрене баьхкинчу хьовсархошна а.
«Тхан болх шуна, хьовсархошна, лерина бу. Шу ца хилча, театр яц. Баркалла шуна!»
Азаев Хьамида «Нийят» спектакла юкъахь ша ловзийначу Кадыров Ахьмад-Хьаьжин ролана юкъара монолог йийшира. Иза цуьнан кхоллараллехь шатайпа меттиг дІалоцуш роль ю, цо дуккха а къахьегна цунна тІехь. 
Суьйре дІайирзича,хьовсархоша, дехха тІараш детташ, сцени тІера артист дІа ца вохуьйтура, иштта цара гойтура цуьнга шайн болу ларам а, марзо а.
Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 
все шаблоны для dle на сайте dletop.com скачать