Шен махкахь доцург ирс дац » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Шен махкахь доцург ирс дац
30.01.2019 364 0 niyso

Шен махкахь доцург ирс дац

Общество
В закладки
БIешерийн дохаллехь чекхдолуш кхечу къомах дIаийна, шен мотт, Iадаташ, амалш, шен юьхь-сибат кхуллу гIиллакх-оьздангалла дIатесна кхаьчна дац нохчийн къам таханлерчу дийне.  Вайн дайшкара дуьйна схьа деза лерина ду шен хIусаман, цIийнан, тайпанан, къоман сий а, юьхь а лардар. Махкаца, къомаца йолу шен уьйр чIагIъяр хилла стаг сий-лараме кхачош верг. Мел генахь хиларх, шен бевза-безачеран воне-дикане кхача гIертар а кхузара схьа ду. Лурволарна я кхечу бахьанина шен юьртах вала дезар тIедоьжча а, хийрачу махка дIа ца гIерташ, нохчийн ярташкахь дIатарвала меттиг лохуш хила нохчичо.
Ирча, кхераме, хала мур болуш, тIебоьссинчу балано бIарзбина, шайн хIусамех, дерриге а дахарехь гулдинчу дуьненан даьхнех бевлла, дуьне мел ду дIасабахана вайн махкахой. Ала деза, цхьайолчу пачхьалкхашкахь уьш дика тIе а эцна. Делахь а тахана цаьргахь ерг ялсамане хеташ, царна тIаьххье махках бовла кечамаш беш берш а хаало. ДIабаханчеран барам хууш бац, амма уьш цхьаъ я ши эзар хилла ца Iа. Царна бехк буьллийла а дац. ДIаваха кечвеллачуьнга, дIа ма гIахьара хьо, ала а ца тарло. Амма царах хIоранга хатта-м лаьара: берриге нохчий лаххьабелла махках бевлча, Нохчийчоьнах хIун хир-те? Хийрачу махкахь, девзаш доцучу къомана тIе диссина, ирс лоьхучул а, вайн махкара хьал меттадало хьовса дезарий-те вай?
Дела воцург, хиндерг хууш стаг вац вайх. Тахана цхьана а дас тIедуьтур дац, цхьа хан-зама яьлча, шен тIаьхьенашна нохчийн мотт, гIиллакх-оьздангалла дицлур ду бохург. Делахь а вайна массарна гуш, хууш ма ду, Шемалан тIом болуш, туркойн махка дIакхелхинчу нохчийн тIаьхьенех хилларг. Царал тIаьхьа Римехь, Парижехь дIатарбеллачу ЧуликовгIеран, ЧериевгIеран тIаьхьенийн дог-ойла Даймахке сатесна цахилар а хаьа вайна. Царна ур-атталла гIенан-набарха а дагабогIуш бац шайн дай баьхна мохк.
Юьртах я махках вала доккха бахьана оьшу. Шен дай-наной Iийна меттиг дIатесна, гергарчу нахах ведда генаваллал доккха хIума а ца хета суна-м хIара дахар, мел ду а ца хууш долу. Кхин цхьаъ а хаьа суна. Масала, гIалгIайн махка бахханчохь, цигахь цхьацца гергарчу нехан дIакхалхар а нисделла, уьш цигахь дIаберзо дезначу нехан дегнаш чохь диснарг а ду Iийжаме. Сан доттагIчо дийцира суна: «Шена цкъа а дицлур дац гIалгIайн махкахь цамгаро кIелйитинчу сан нанас, шена лазар тIетаьIча: «Веза Дела, сан ялар ГихтIахь нисде ахь», – бохуш, Деле дехар. Шен кхалхар цIахь нисделча, тхох къаьстарг цахиларх тешара нана. Германехь, кхечу пачхьалкашкахь кхелхинарг, цуьнан весет кхочуш деш, цIа а веана, дIаверзийна меттиг а хаьа суна. Иштта хIуманаш дагадаьхкича, дуьненна хазош мохь тоха лаьа: «ХIай нохчий, ма гIойша дIа, цIераваьлларг цIаверзийша!». Лахь а, дисахь а цхьаьна а долуш, вешан махкара хьал ваьшта дало хьовса вай. Вовшашца кIеда-мерза долуш, хала воллучунна гIо-накъосталла деш, мискачух къинхетам беш, вовшашна куралла ца еш, цхьана низамехь, бертахь долуш, ийманца, Исламца вешан мохк цIанбе вай. Генарчу махкахь а ца лоьхуш, вешан цIахь кхолла вай ирсе дахар!
Автор: Лорсанукаев Увайс
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Журналист санна вевзина ца Iа иза
ХХ - г1а б1ешеран доьзткъе уьтталг1ачу шерашкахь журналистикехь къахьега волавелла Борхаджиев Хожбауди. Ша болх бечу газетан корреспондента т1ийра д1аволавелла, коьртачу
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.
3-гIа декабрь – Дуьненаюкъара заьIапхойн де
Дуьненаюкъара заь1апхойн де ООН-н Генеральни Ассамблейс кхайкхина 1992-чу шеран 12-чу октябрехь.
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар
30-гIа октябрь – политически таIзарех хIаллакьхиллачеран иэсан де
Оцу дийнахь массанхьа д1аг1о политически та1зарша х1аллакьбинчу нахана лерина акцеш, иэсан мероприятеш. Ткъа Россехь уьш д1аг1о, 1991-чу шарахь дуьйна 30 октябрехь. И











«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 
все шаблоны для dle на сайте dletop.com скачать