Нана » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Нана
23.01.2019 312 0 niyso

Нана

Общество
В закладки
Б1аьстенан дийнахь, суьйренца лечкъаргех ловза дуьйладелира бераш. Дуьххьара дагар дора цара,го а бой, шена т1ехь чекхдаьлларг гуо юкъара д1аволура.Гуо чекхбаьлча цхьаъ вуьсура.Ткъа и б1аьргаш д1ахьаббо безаш хуьлура,биснарш  д1аловчкъара. Б1аьргаш д1ахьаббош  волчо д1алевчкъинарш лахара,шена гича сихха ведда схьавог1ий, стук йоккхура,вукхара б1аьргаш д1ахьаббориг дехьа ваьлча, бовдий цунна шаьш галле стук йоккхура .Иштта самукъане бераш ловзуш дохкуш, ц1еххьана 1елин нанас мохь туьйхира.
 - Воо, 1ела ,воо 1ела, сан диканиг!
- Х1ун боху ахь,нана!
  - Сихонца схьаволахьа, нанина г1о оьшура, т1оьрмиган бертиг лаца.
  - Ца вог1у со,суна лечкъаргех ловза лаьа.
Юха ведда лечкъаргех ловза вахара 1ела.Луларчу берех  иэхь хетта ,ц1ен бос ийцира ненан юьхьо.Пекъар, миска нана, халла ша т1оьрмигаш дуза юьйлира.Яцара цуьнан дагчохь цхьа а оьг1азло.
  Ловзучу берашна гена воцуш г1анта т1е охьа хиъна 1ачу воккхачу стагана дерриге гуш дара.Цо шена т1е кхайкхира  к1ант:
 - Схьавоьлла, жима къонах!
- Ваша,соьга бохий ахь?
 - Дера боху.
- Охьахаал вашина юххе.Ахь сан дог 1овжий,дохийна эзар дакъа ди,ненаца иштта къамел деш ма ца хуьлу,я кхечуьнца ца до.Ладог1ал ахь соьга дика: -»Нана юй,и вай до1у  са, дахар, дуьне ду, цо санна т1алам беш,хьан дагна парг1ато  еш, шен дагца йовхо луш, куьйгашца дарба деш цхьа а адам хир дац.Вайна луург я вайна езарг шен аьттоне  ца хьоьжуш, тара йо нанас.Буьйсанна мерзачу набарах юьйлуш, аганан г1аж лоций сахиллалц и техкош,аганан кохканаш малделла, хьо аганара вожарна кхоьруш,жимма тийна хьан аз ца хезча, кхералой,  ахь садо1ий хьоьжуш,меца висина наб кхетарна кхоьруш хуьлу нана. Хьуна дага дог1ий, стохка хьо ишколе вахийта  хьуна ишколе бахьа оьшуш болу г1ирс эца сом ца хилла, стеш даха яхча,стов т1ера  охьакхетта хьан ненан п1ендарш кегделла цо хьегна бала? Хьуна ма сиха дицделла? Хьо меца ца вита стохка б1аьста дуьйна, ло диллалц цо урд лелош хьегна къа. И урд ша ахка а аьхкина, юха г1орзанаш ата -аьтта ,к1аьгнаш даьхна, цу чу хьаьжк1ан буьртигаш туьйсуш уьш д1айийна. Юха шозза -кхузза асар дина,гурахь  маьрсаца цхьацца схьалоцуш уьш  хеда деш, даржош охьадехкина цу т1ера хьаьжк1аш схьаяьхна,царех ц1евнаш деш,ц1евнаш дина яьлча цу г1одмех такхор бина. Цул т1аьхьа цу т1ера схьаяьхна хьаьжк1аш гехь ц1а кхехьна, тхов т1ехь якъайина ,юха т1оьрмиг чу йоьхкина, г1аж тухуш буьртигаш тхамарех схьакъастийна, куьркахь кхарза ма  кхаьрзина цо уьш. Х1инца шена накъост эшча, хьоьга т1оьрмиг лаца вола ма бахара цо.  Хьуна кхача бан  ахьар дан йоллуш ма ю иза, шена къайлах даа йоллуш ма яц.Т1ехь  да воцуш, цо мел хала кхиийна хьо.
   Сан нана соьца йоцу ткъе итта шо хан ю, ткъа цхьа минот, цхьа сиконд яц суна сайн мерза нана дагар яьлла.Цуьнан сурт сан б1аьргаш хьалха лаьтта даима. Мел малх кхетта декхна денош даьхкина, малхо шен хаза з1аьнарш лаьтте кхийдаярх,бодане хуьлу суна денош.Багахула арадолу х1аваъ нана йолуш санна, парг1ат далац.Ткъа нанас бина кхача мел мерза хилара, баарх ца вузара.Х1инца мел мерза, чомехь хилча а,  чаьмза,къаьхьа хета.Хина шен цхьа бицлур боцуш чам  хилара, х1етахь хи чийлакаш чохь кармисалца гехь дахьара,х1инца и к1улов (шовда) сецна,цунна т1ебоьду некъ къух даьлла байна.Мел хи мийларх, нанас кховдийна хи санна, ас чомехь хи маланза  ткъе иттех шо-м ду. Цамгаро лаьцна лазар дазделча , шен ховха, даьрбане куьйгаш  коьрта т1е хьокхий,хьан лазарна дарба дора нанас. Сихха  йоьдий котам схьа а лоций ,тхан дега и ен йоьйтий,тила а йой,ц1анйой  яй чу тосура.Иштта йора ахьар галнаш, саьрамсекхан берам. Т1аккха, жимма кхаллахь наниниг, сихха толур ма ву, жимма кхаллахь, к1айн жижиг ма ду даьрбане,кхаллал ахьар гала,малал чорпа бохуш, цо туьйсу гуонаш, х1инца бицца-м ца ло.
     Балано, сингаттамо хьо лацахь,хьан дог ойуш мерза  дош олуш, хьоьгара бала гира д1абоккхий и шен ги буллург нана бен яц хьуна.Гой хьуна,сан коьрта, йис йиллина,х1инца сан кху  дагца  еха ,бахамаш совбаьлла дешийлахь вахарх,къаналле сан шераш лестарх сан дагца ехар ю .Ткъа х1инци со цуьнан декхарх ваьлла ца хета суна,х1инца и сан нана сайна к1инт1ера ялар доьхуш ву-кха со.Вай вешан ненан декхарх цкъа девр дац.Х1инца сихха ц1а г1ой, и хьайн нана, хьайна къинт1ера яккха. 
     Декъал да дера ву хьо, и йолу.Массо  х1ума д1а лур дара ас,реза вара хила б1аьрзе, сайн нана цкъа ган гина доггах маракъовлург.Б1аьргех хиш 1енара воккхачу стеган,амма сихха д1адохура цхьанна гарна кхоьруш.
    - Вашас динчу хьехарх кхеттий хьо?
-Кхетта.Велха ийзош сихха ц1ехьа ведира к1ант.Цунна хаьара шех доккха г1алат даьллий.  
    -Нана,нана бохуш, мара кхийтира к1ант.
  -Къинт1ера ялахь соьх даьллачу г1алатна,хьан дог ас кхин дохор дац.Горгачу беснеш т1ехула эгара кегийра т1адамаш.
-Ненан дог даиманна ду-кха доьзална къинт1ера даьлла, даима диллина ду.
- Дукхаваха хьо наниниг,г1алат массо а волу,амма шен хенахь г1алат нисдар ду коьртаниг.

Автор: Зайтемиров Сайдик
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Журналист санна вевзина ца Iа иза
ХХ - г1а б1ешеран доьзткъе уьтталг1ачу шерашкахь журналистикехь къахьега волавелла Борхаджиев Хожбауди. Ша болх бечу газетан корреспондента т1ийра д1аволавелла, коьртачу
Ца доьгIна рицкъ
Ца доьгIна рицкъ
Ца доьгIна рицкъ
16.01.19 Общество
-Хьасипат, ас цхьа хаза х1ума дийца хьуна.
Европа
Европа
Европа
28.11.18 Общество
Декъаза маре дара Зулайс динарг. Ялхитта шо бен дацара цуьнан, костом-хечий, кIайн коч юьйхина, цIен галстук оьллина, йоккхачу предприятин директор ву аьлла, хIара Iеха
Нана
Нана
Нана
21.11.18 Общество
«Ненах къаьстича беран даг т1ера зезаг дужу», – олуш хезна суна жималлехь. Вуно нийса аьлла дешнаш ду уьш. Бер, мел яккхий халонаш т1ех1иттарх а, ирсе ду ненаца. Цунна
Нигат—халкъана  йовхо  луш  вахар…
Ас муха тоьгур дац вайнехан илли Дашочу кочарна тIе, Пхенашкахь нохчочун цIий кхехкаш хилча, Даймахко воI вича шен?











«    Март 2020    »
ПнВтСрЧтПтСбВс
 1
2345678
9101112131415
16171819202122
23242526272829
3031 
все шаблоны для dle на сайте dletop.com скачать