Яздархойн союзехь суьртийн гайтам хилира » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Яздархойн союзехь суьртийн гайтам хилира
14.04.2021 62 0 niyso

Яздархойн союзехь суьртийн гайтам хилира

Общество
В закладки
Кху деношкахь Соьлжа ГIалахь, Яздархойн союзан цIа чохь дIабаьхьира вевзаш волчу нохчийн суртдиллархочун Джамалдинов Алимпашин суьртийн гайтам.Иза вовшахтоьхнера НР-н Яздархойн союзо.Цу мероприятехь дакъалецира нохчийн яздархоша, вузийн хьехархоша, журналисташа, студенташа, школин дешархоша. Алимпаша вехаш а, болх беш а Дагестан республикин Казбековски районан Акташ-аух юьртахь ву. Нохчийчохь, Дагестанехь, ГIалгIайчохь хьалха а хилла цуьнан суьртийн гайтамаш. Цуьнан кхоллараллин болх 2013-чу шарахь болабелла бу. Ткъа ша 1979-чу шарахь Дагестанан пачхьалкхан пединститутан художественно-графически факультет чекхъяьккхинчул тIаьхьа школехь хьехархочун болх бина ву иза.
–Суьрташ дахкар тIаьхьо долийра ас, – дуьйцу Алимпашас сан шеца хиллачу къамелехь. – Жимачу хенахь со кийча вацара сайгара, суртдиллархочо санна, керланиг гайта, сайн кхоллараллина тидам тIебахийта. И дерриге а тIаьхьа хилира, со гIеметтахIоьттина волчу хенахь. Суна къаьсттина уллера хетара нохчийн истори, къоман дахарехь хилларг. Иза, коьрта тема хилла, дIахIоьттира сан кхоллараллехь. 
Гулбеллачарна суртдиллархо вовзуьйту Яздархойн союзан коьртачу редакторо Ирисханов Iимрана, цуьнан биографех а, кхоллараллех лаьцна дуьйцу цо. 
Суьрташка хьовса буьйлало гайтаме баьхкинарш. Суртдиллархочо ма-аллара, дукхахдолчу суьртийн тематика «Кавказан тIом», «Нохчийн шира дахар» ю. 
Алимпашас хIора суьртана тIе а воьдуш, цуьнан тема а, чулацам а бовзуьйту хьовсархошна. Царах дукхахболчеран къаьсттина боккха тидам тIебоьду  «Бенойн БойсагIар» цIе йолчу суьртана. Цу тIехь заьIап  БойсагIар ву, карахь мокхазан тапча а йолуш, лаьтташ. Иза оьгIазе хьоьжу, охьа а таьIна, лаьттан бIаьра а хьоьжуш, дIавоьдучу Шемале.  Йийсаре воьдучу Шемалан тIебаьлла букъ бу гуш, цунна уллехь  ши накъост а ву, иза санна, мостагIашна каравоьдуш. БойсагIаран юьхь хьалаайъаелла ю, иза Шемале кхойкхучух тера ду. Амма важа юха ца хьожу –  цунна хаьа, ша юхахьажахь, БойсагIара шена тапча тухур юйла. Иштта драматизмах дуьзна сурт ду иза. Цу тIехь къаьсттина дика гуш ю суртдиллархочун говзалла.
Кавказан тIеман тема йолуш ду «Валарг хи тIехь тIом бар» цIе йолу сурт а, «МостагIашна кIело яр» а, «Хьаьжа-Мурд» а, кхидолу а суьрташ. Авторо ма-аллара, и тема шен кхоллараллехь коьртаниг лору цо. Нохчийн историн агIонаш карлаяха а, хьовсархошна уьш бIаьрла дIагайта аьтто хилла Алимпашин. 
Суьрташка хьаьвсина девлча, царах лаьцна дистхила йоккхачу кабинета чу кхойкху Iимрана гайтаме баьхкинарш. Суртдиллархочун балхах лаьцна къамел дира яздархоша: Такалашов Султана, Арсанукаев Мусас, Дахаева Розас, Матаев Вахас, ткъа иштта Нохчийн пачхьалкхан педагогически университетан хьехархочо, педагогически Iилманийн кандидата Шахбиева Хьалимата. 
Хьовсархошна тайра Джамалдинов Алимпашин суьрташ, церан лаккхара мах хадийра цара. 





Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Сийлахьчу  яздархочун юбилей
Кху деношкахь Соьлжа-ГIалахь Айдамиров Абузаран цIарахчу республикански библиотекехь дIаяьхьира шуьйра вевзаш волчу нохчийн яздархочун, поэтан Сулаев Мохьмадан 100 шо
Нохчийн яздархойн Союзан – 90 шо
ДIадаханчу еарин дийнахь, 21-чу ноябрехь, Соьлжа-ГIалахь, Къоман библиотекехь дIаяьхьира Нохчийн Республикин Яздархойн союзан 90 шо кхачарна лерина йоккха форум. Цуьнан
«Сан дог-ойла сан суьрташкахь гур ю…»
Тахана Даудова Фатима Нохчийн Республикехь хилла ца 1аш, цуьнан дозанал арахь а шуьйра евзаш суртдиллархо ю. Цуьнан белхаш дукхазза а тайп-тайпанчу гайтамашкахь а,
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь











«    Июнь 2021    »
ПнВтСрЧтПтСбВс
 123456
78910111213
14151617181920
21222324252627
282930 
все шаблоны для dle на сайте dletop.com скачать