Поэт халкъан иэсехь вехаш ву » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Поэт халкъан иэсехь вехаш ву
26.12.2018 250 0 niyso

Поэт халкъан иэсехь вехаш ву

Общество
В закладки
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.  Суьйренехь дакъалецира Нохчийн Республикин Правительствон вице-премьера Ахмадов Мусас, Парламентан вице-спикера Джамалдаев ШахIида, Республикин Iилманийн Академин Президента Гапуров Шахруддис, Ядархойн союзан председатела Ибрагимов Кантас, Мамакаев Iарбин кIанта, Нохчийн республикин Халкъан яздархочо Мамакаев Эду-Хьаьжас, Республикин кхоллараллин а, Iилманан а векалша, поэтан кхолларалла езачара.
Нохчийн Республикин Куьйгалхочун Кадыров Рамзанан цIарах долу Маршаллин кехат дIадийшира вице-премьера Ахмадов Мусас. Цу тIехь лаккхара мах хадийнера нохчийн сийлахьчу поэтан кхоллараллин, билгалдаьккхинера цо нохчийн культурехь йоккха лар йитина хилар.
Поэтах лаьцна дош элира  Яздархойн союзан председатела Ибрагимов Кантас а, Iилманийн Академин Президента Гапуров Шахруддис а, Халкъан яздархочо Бексултанов Мусас а, кхечара а. 
Ибрагимов Кантас билгалдаьккхира Мамакаев Іарби нохчийн литература кхиийначарах цхьаъ хилар. Цуьнан хала дахар хилла, бехк а боцуш чувоьллина, колонешкахь хан яккхийтина цуьнга. Амма иза доьналлех ца воьхна, ша санна чубоьхкинчу накъосташна гІо деш хилла, нохчочун яхь дІа ца елла, мел хала киртигаш тІехІиттарх. 
Иштта поэтан кхолларалла нохчийн литература кхиорехь шатайпа меттиг дІалоцуш хиларх лаьцна дийцира Гапуров Шахруддис. Цуьнан кхолларалла хІинца а кхоччуш теллина яц, цу тІехь кІорггера болх бан беза вайн литературоведаша, элира Ш. Гапуровс.
Мамакаев Іарбин поэзех шен кхоллабеллачу синІаткъамех лаьцна дийцира яздархочо Бексултанов Мусас. Хала теша сел къоначу поэта кІорггера маьІна долчу маттахь шен говзарш кхолларх. Иза билггал доккха похІма долуш поэт хилла, элира яздархочо. 
Къамел диначара билгалдаьккхира Мамакаев Iарби бакъволу халкъан поэт хилар а, нохчийн мотт кIорггера хууш, халкъан дахар уллера девзаш, шен къомах дог лозуш иза хилар а. Поэт хилла ца Iаш, иза яздархо а, драматург а вара, цо шен кхоллараллица нохчийн литература кхиийна , билгалдаьккхира цара. 
ГIалгIайн махкара веанчу, шуьйра вевзаш волчу гIалгIайн яздархочун Боков Ахьмадан кIанта Боков Идриса гулбеллачарна хаийтира Iарби шен деца доттагIаллин уьйраш йолуш хилла хилар. Нохчийн поэтах лаьцна довха дош элира хьешо, ша Iарбин цIарах йолчу музейна делла совгIаташ Эдду-Хьаьжига дIаделира цо.
 Суьйренехь сцени тIера Мамакаев Iарбин стихаш йийшира Нохчийн республикин халкъан артисткас Ахмадова Хьавас, культурин белхахочо Имаев Тапас. 
Нохчийн театро шаьш кечйинчу керлачу, «Нохчийн махкахь нохчийн маттахь» цIе йолчу спектаклана юкъара ши сценка а гайтира. И спектакль Мамакаев Iарбих лаьцна ю. Доьналлех вуьзна волу турпалхо гойту хьовсархошна спектаклан авторша. Иза халачу хьелашкахь ву, амма цуьнан Даймахке а, шен халкъе а болу безам дІабаккха аьтто ца хилла Іедалан хьадалчашка. Шен накъосташка-яздархошка боккха ларам болуш, уьш безаш, царна дика хьехарш деш ву Іарби спектаклехь. 
 Нохчийн эстрадин артисташа Iарбин стихаш тIехь даьхна долу иллеш элира. Хьовсархоша, дехха тIараш детташ, дика тIейицира Токаев Сулеймана а, Межидов Салахьа а, Абдулкеримов Ильяса а, Абдулрашитова Кузанис а дIааьлла иллеш. 
50-60 шо хьалха даьхна иллеш тахана а шир ца дела, хІунда аьлча, ламанан шовда санна, цІеначу маттахь, исбаьхьчу мукъамашкахь декаш ду уьш. И иллеш тахана къоначара а дезаш тІеэцаро гойту церан дешнаш хаза а, дагах кхеташ а хилар. 
  Суьйре ерзош, вистхилира Мамакаев Эду-Хьаьжа. Цо даггара баркалла элира кху суьйрене баьхкинчарна, шен ден кхолларалла езарна а, Iарбига ларам хиларна а. Ша жима волуш дуьйна ден лаам кхочушбеш схьавеана а, цуьнан сий а, цІе а ларъеш, иза вуьззина нохчийн кІант хилар халкъана дІахаийтар шен дахаран Іалашо хІоттийна хилар довзийтира хьовсархошна.


Автор: Арсанукаев Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Алихан, хьо воцуш цхьа шо дIадели…
Зама. Дуьне. Адамаш. Доттаг1ий. Вон – дика. Де – буьйса. Б1аьсте. 1а. Аьхке. Гуьйре. Валар – висар. Вер – ваккхар. Адмалла. Яьхь. Г1иллакх. Доьналла. Ма дукха ю – кха
Нана
Нана
Нана
21.11.18 Общество
«Ненах къаьстича беран даг т1ера зезаг дужу», – олуш хезна суна жималлехь. Вуно нийса аьлла дешнаш ду уьш. Бер, мел яккхий халонаш т1ех1иттарх а, ирсе ду ненаца. Цунна
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар
Нигат—халкъана  йовхо  луш  вахар…
Ас муха тоьгур дац вайнехан илли Дашочу кочарна тIе, Пхенашкахь нохчочун цIий кхехкаш хилча, Даймахко воI вича шен?
Дахаро-м ойланаш гойту...
«Саиев Iумара, шен хIора байт (стихотворени) леррина, йорий—тоьгий, бустамашца кхолий, кечйой юьллу дешархочун кхиэле. Цундела уьш къаьсташ хуьлу шайн кIоргачу чулацамца











«    Февраль 2020    »
ПнВтСрЧтПтСбВс
 12
3456789
10111213141516
17181920212223
242526272829 
все шаблоны для dle на сайте dletop.com скачать