Европа » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Европа
28.11.2018 297 0 niyso

Европа

Общество
В закладки
Декъаза маре дара Зулайс динарг. Ялхитта шо бен дацара цуьнан, костом-хечий, кIайн коч юьйхина, цIен галстук оьллина, йоккхачу предприятин директор ву аьлла, хIара Iеха а йина, кхеран луларчу зудчо къечу Джабраиле цунна яхар марздеш. Директор-м муххале а ца хиллера иза, цул сов, шена тIера духар а хиллера цо гергарчаьргара дехна вовшахтоьхна. Ткъа хIинца иза хьехо тIаьхьа дара, Зулайн дас цIехьа богIу некъ бихкинера цунна.
Джабраил ша вуон стаг вацахь а, къаьркъанний, цигарканний, сакъерарний чIогIа тIера вара. Доьзал гучубала болабелча а, иза кхиъна богIуш а, ша царна пайда бан беза аьлла хеташ вацара, я шена тIехь долу декхарш кхочушдан лаам болуш а вацара. Цуьнан коьрта лаам: каракхаьчначу шайнех шех терра болчу, шен «накъосташна» там бар а, и там хилла баьлча, деш долчу «дуьззинчу» къамелашца паргIат хан яхьар а дара.
Ткъа и «дуьззина» къамел деш болчу накъостийн, пхьоьг1ана бевлла, охьаховшуш билгалъяьккхина шайн меттиг яра. Ураме некъ чубоьрззучохь лаьттах чу а дахана, замано агIордаьккхина аннийн гIант дара, цунна гуонаха долчу тIулгаш тIехь лахлой Iара уьш, «дуьненан» къамелаш деш.
Вайнах кхечу пачхьалкхашка дIаэха буьйлабелча, цхьаболчеран аьтто хила боьлча, цигара Iер-дахар наха дика дийца долийча, шен халачу дахаро бIаьрзе хьовзийначу Зулайна а дагадеара Европе боьду некъ юьхьарлаца. Шен марзхойх а, мухха велахь а, ца хилча ца волучу хIусамдех а, шен цIерачарах а дага а яьлла, кечам бан йолаелира иза.
Мухха делахь а, дIо пхьоьг1анахь Iачу хIусамден накъостех дIакхетта и керла хаам. Шайн дахарехь дерриге а кхочушхилла, Iуьйренца лозучу коьртана дера хилахь а, де суьйренга лестича шайна оьшучу дарбанна тIе кхочучу цара, кестта шаьш кхеран ойланех бешаш цахилар схьахаийтира. Зулай тIехйолуш бIаьрг моссаза кхийти, шайн кура дог-ойла лечкъа ца еш, мохьтуххий, чIогIа олура цара:
   – ХIейт яI, Европа! Ма дика хIума ю-кх хьо!
   – Дера ю. Зулай Европе йоьдуш ма ю… 
   – ХIейт! Европа, кIентий! Европа!
  Генна тIаьхьа схьакхочура, дегабаам къуьйлуш йогIучу Зулайна, церан аьзнаш. Ца лалора цуьнга церан я къамелаш а, я ойланаш а. Уьш гарх а, царна уллехула тIехъяларх а гIайгIа хуьлура цунна, делахь а, «Сатоьхначу салтичух эпсар хила, боху», – шен ойланехь а къуьйлуш, д1айоьдура.
Хан елира. Зулайн доьзал Европе д1абахара.   Цигахь баха бакъо а елира, хIусам а елира, Джабраила шен малар, сакъерар дитира. Бераш деша дахара, белхан меттигаш нисъелира. Зулай а, мотт  Iамийна, балха а яхара, лело а Iамийна, машен а ийцира, дикачу меттехь дакъа делира, цу тIехь цIенош а дира цара. Дахар жим-жима меттахIоьттира. Зулайс хьегна халонаш бахьана хила там бара, Дала и къинхетам царах бар.
Масех шо даьлча, цIа дахка маршо яьлча, хьажа-хIотта  Даймахка беара ЗулайгIеран доьзал. Ерриге а меттигаш хийцаеллера. Сиха детталучу дагца, сакъералуш йогIура Зулай, шена тIехь бIаьрг ца соцуш, маьлхан зIаьнаршлахь къегачу машенахь, ша йинчу юьрта, яьхначу хIусаме. Дерриге а хийцаделлера. Амма, бакъду, и пхьог1анахь Iаш йолу тоба масех шо хьалха санна, хийцаялаза, ша ма-хиллара Iаш яра. Цецъяларца хьажаелира цаьрга Зулай.
   – Ванах! Со кхузара дIа а яханерий-те? – аьлла, дага тесира цунна. – ХIорш-м Iаш ма бу…
Керла лоьмарш йолу, ца евза машен урам новкъахула схьайогIуш гина, шайн «кIорггера» къамелаш совца а дина, тап-аьлла, тIе бIаьргаш богIна Iара уьш. Герга кхача йоьлча, цу чохь Iачу зудчух бIаьргкхетча, гуттар цецбевлла бисира «накъостий». Зулайс шен «Джип» царна улло тIе а таIош, дикка чан а гIаттош, сацийра. Меллаша кхуьзганан бIаьрг охьабахийтира цо, ела а къежна, мохьтуххуш элира:
   – Европа, кIентий! Европа!
Уьш меттабахка кхиале, коран бIаьрг хьала а бахийтина, машен хаьхккина дIаяхара иза.




Автор: Марем Магомаева
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
ГIалара нус
ГIалара нус
ГIалара нус
28.11.18 Общество
Санет нускал дара. Иза ялийна ши бутт хан бен яцара. ГIалахь йина а, кхиъна а, амма керла дахар, шен лаамца, юьртахь кхоьллина яра. ГIуллакхах, уьйтIахь-кертахь дечух
Нана
Нана
Нана
21.11.18 Общество
«Ненах къаьстича беран даг т1ера зезаг дужу», – олуш хезна суна жималлехь. Вуно нийса аьлла дешнаш ду уьш. Бер, мел яккхий халонаш т1ех1иттарх а, ирсе ду ненаца. Цунна
Нигат—халкъана  йовхо  луш  вахар…
Ас муха тоьгур дац вайнехан илли Дашочу кочарна тIе, Пхенашкахь нохчочун цIий кхехкаш хилча, Даймахко воI вича шен?
30-гIа октябрь – политически таIзарех хIаллакьхиллачеран иэсан де
Оцу дийнахь массанхьа д1аг1о политически та1зарша х1аллакьбинчу нахана лерина акцеш, иэсан мероприятеш. Ткъа Россехь уьш д1аг1о, 1991-чу шарахь дуьйна 30 октябрехь. И
Дахаро-м ойланаш гойту...
«Саиев Iумара, шен хIора байт (стихотворени) леррина, йорий—тоьгий, бустамашца кхолий, кечйой юьллу дешархочун кхиэле. Цундела уьш къаьсташ хуьлу шайн кIоргачу чулацамца











«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 
все шаблоны для dle на сайте dletop.com скачать