ГIалара нус » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


ГIалара нус
28.11.2018 383 0 niyso

ГIалара нус

Общество
В закладки
Санет нускал дара. Иза ялийна ши бутт хан бен яцара. ГIалахь йина а, кхиъна а, амма керла дахар, шен лаамца, юьртахь кхоьллина яра. ГIуллакхах, уьйтIахь-кертахь дечух къехкаш яцара, делахь а…гIалахь кхиъна яр-кха. Цхьана суьйранна марнана шен йиша йолчу, луларчу юьрта, хьошалгIа, яха кечъеллера. Шен кхине цо етт озахьара олуш хезначу Санета, гIеххьа цунах дегабаам а бина, марнене дийхира, етт шега озийтахьара аьлла. 
Цецъялар хазахетарца хийцаделира марненан. Шен дагахь хилла шеконаш дIаяьхна, Санета дукха хаза аларна, цуьнан лаамна тIетайра иза. 
Суьйранна озар тIера а даьккхина, Iуьйранна дан дезарг несана хьеха а хьехна, марнана дIаяхара.
Iуьйранна дукха хьалхе самаелира Санет. Дан дезачух лаьцна дукха ойланаш яра коьрте хьийзаш. Цунна дуьхьалхIоьттира ша яьккхина ведар дуьззина шура, тIаккха цунах баьккхина чомехь тIо, чекхъяьккхинчу шурех яьккхина кIалд, тIо-берам а, бовха хьокхам а бина, марнана цIа кхачале шен кийча Iер. Ша школехь доьшучу хенахь цхьана книги тIехь етт озарх дешнарг а леррина дагадаийтира цо: «Шим била беза, тIаккха массаж ян еза, хаза къамел а деш, хьостуш, жимма уллехь хиъна Iен…» Ша шена дуьхьалхIоттийначу суьртах там а хилла, елакъежна, юх-юха а ойланашка юьйлуш Iуьллучу Санетана хезира, хьайбанаш беже лахка арабевллачу зударийн аьзнаш. Дукха сиха хьалаиккхина, божал чу яха кечъелира иза. 
Ведар пхьаьрсах а тесна, сийначу басахь йолу коч а юьйхина, лекхачу къажош тIехь, оццу басахь ши тударг а туьйдина, хаза шарйина, нисйина месаш а, иштта кечйина юьхь а йолуш, елаелла-екхаелла, божал чоьхьа елира Санет. 
Дог ца догIуш, дохучуьра нох а ца сацош, «ХIа-а, хьо яра хIара…» бохуш санна, бендацарца схьахьаьжира кхуьнга етт. Юха, иштта дог ца догIуш, дIа а бирзира. Санета цкъа хьалха цуьнан Iуйре дика а йина, тIаккха къамел долийра: могаш-паргIат а, буьйса дIа муха елира а хоттуш. ГIеххьа цецбаьлла, кхо лелочух ца кхеташ санна, юха а схьахьаьжира етт. Лаг дахдина, Санетах хьожа а яьккхира. ЦIеххьана, тIехуьйшучу мозаша новкъарлоярна, корта ластийра, цунах гIуллакх ца хилла, юхакхевдина, ког хьалха а боккхуш, чоьже мотт хьаькхира. Кхераялар совдаьллачу Санета дIакхоьссина ведар божалан соне дIадахара, ткъа ша, когаш тIехь галъяьлла, охьайожаза йисира, тударгаш цамегачу а йовлуш.
ХолчухIоьттина Санет, ведар схьа а эцна, юха а, кхоьруш, аттанна тIе хилира. Жима гIант охьадиллина, шен коч тIе а гулйина, охьахиира. Дог карзахе детталора, куьйгаш эгадора. «Книга ешар, етт озар тайп-тайпана хIуманаш ма хилла», – дагатесира цунна. Накъосталла лохуш, дIасахьаьжира иза, амма нох а дохуш, буьрса схьахоьжу старгIа йоцург, гонах кхин цхьа а вацара. 
Эгочу куьйгашца шен болх дIаболийра Санета. Бакъду, атто сих-сиха ластош долу цIога юьхь тIе деттар новкъа дара. Цо бех а, лаза а йора. Ведар юьстах а диллина, дIаса а хьаьжна, уллехь лаьттачу б1ог1амах цIога дIадихкира цо, масех шад а беш. 
Ша диначунна резахилла, ведар шен метте охьахIоттийна, юха а тIехилира иза. Оцу хенахь цхьа тамашийна дIасахьийза болабелира етт. Когаш бетташ, корта лестош, цхьана меттехь ца соцуш. 
Санета къамел долийра. Цо дийцира, ша дуьххьара етт узуш хиларх а, шен марнана йиша йолчу яхана хиларх а, иза сарале цIа йогIур хиларх а. Ма-хуьллу хьасталуш, хаза дийца гIертара иза, амма цуьнга ладогIа ца туьгуш, гуттар карзахбелира етт, Санет кхера а еш. ЦIеххьана, цIога д1адихкина б1ог1ам, шен ницкъ ма-ббу, дIасатоьхна, озийна схьа а баьккхина, Санетах бIаьргкхетча, кхин а чIогIа къаьхкина, хьерабаьлча санна, ши бIаьрг хье тIе а баьккхина, неIаре хьаьжира. Ха тоьхна, кхоьссина Санет дIа а йохуьйтуш, божал чуьра араиккхира иза, бIогIам а текхош. Ша Iуьллучуьра хьала а иккхина, карара ведар дIа ца хоьцуш, цунна тIаьхьа едира Санет. 
– Зойка! – мохь беттара цо. – Зойка, хьайн дог дика хиларг, собардехьа!..
ТIаьхьайогIучу кхунах бIаьргкхетта, кхин а чIогIа къаьхкина, диллинчу кевне хьаьдира иза. КетIа иккхина ца Iаш, кхин юха ца хьожуш, урам новкъахула бажа гуллучу дIахьаьдира Зойка, бIогIам а такхийна. 
Сахиллалц шен етт дуьхьалтийсина марнана а яра, даго вуониг хьехна, мелла а Iуьйранна цIа йогIуш. Эвла кхоччушехь цунна бевзира, ши бIаьрг къарзийна, хаьхкича санна, цIоганах тесна бIогIам а болуш, юьртара араиккхина боьду шен етт а, йоьлхуш, маьхьарца, карахь ведар а, ши тударг а йолуш, когаш Iуьйра цунна тIаьхьа хьаьдда йоьду шен нус а. Машен тIера охьаиккхина, са ма-дду, царна тIаьхьаедира марнана. Иштта, тIаьхьий, хьалхий, дуьхьал мел кхетта стаг цецвоккхуш, бежа юккъе лилхира уьш. 
Де делкъанга лестинера, доьзал цIабоьрзуш. Аьттан юьхь лаьцна, тийна йогIура марнана, ша дуьххьара етт узуш хиларх а, ша цуьнга диначу къамелах а, цо шега лацадогIарх а лаьцна дуьйцуш, йоьлхуш, тударгаш а, ведар а дIа ца хоьцуш, йогIура Санет. Ткъа етт… Етт а тийна, лаьтта охьахьоьжуш, богIура, шен да цIакхачарх боккхабеш, Санетан агIор бегашийна а дIахьажа ца баьхьаш.     
Автор: Марем МАГОМАЕВА
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Европа
Европа
Европа
28.11.18 Общество
Декъаза маре дара Зулайс динарг. Ялхитта шо бен дацара цуьнан, костом-хечий, кIайн коч юьйхина, цIен галстук оьллина, йоккхачу предприятин директор ву аьлла, хIара Iеха
Нана
Нана
Нана
21.11.18 Общество
«Ненах къаьстича беран даг т1ера зезаг дужу», – олуш хезна суна жималлехь. Вуно нийса аьлла дешнаш ду уьш. Бер, мел яккхий халонаш т1ех1иттарх а, ирсе ду ненаца. Цунна
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар
Совдаьлла сагIа
Совдаьлла сагIа
Совдаьлла сагIа
08.11.18 Общество
Ломан дукъара схьахьаьжначу малхо набарна тевжина юрт, партал ха хорцуьйтуш, денйира. Цуьнан экъа дикка йохъялаза яра – алун зIаьнарш шаьш а ма-ярра самацайовларна.
Дахаро-м ойланаш гойту...
«Саиев Iумара, шен хIора байт (стихотворени) леррина, йорий—тоьгий, бустамашца кхолий, кечйой юьллу дешархочун кхиэле. Цундела уьш къаьсташ хуьлу шайн кIоргачу чулацамца











«    Август 2020    »
ПнВтСрЧтПтСбВс
 12
3456789
10111213141516
17181920212223
24252627282930
31 
все шаблоны для dle на сайте dletop.com скачать