Кху деношкахь Соьлжа-ГIалахь Айдамиров Абузаран цIарахчу республикански библиотекехь дIаяьхьира шуьйра вевзаш волчу нохчийн яздархочун, поэтан Сулаев Мохьмадан 100 шо кхачарна лерина дагалацаман суьйре. Иза дIахьош волчу поэта, литературоведа Цуруев Шерипа, суьйре дIайолош, Сулаев Мохьмадах лаьцна хаза дош элира, цо нохчийн литература кхиорна юкъайиллинчу  хазнин мах хадийра.