Тешаме доттагI дIаваха... » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Тешаме доттагI дIаваха...
09.09.2020 226 0 niyso

Тешаме доттагI дIаваха...

Общество
В закладки
Шийла кхаъ кхечи таханлерчу Iуьйранна, тхан доттаг1 Баймурадов Салвади кхелхина аьлла. Хьайн хенара а волуш, хьайца къона хан яьккхина  волу доттагI кхалхар лан хала хIума ду, боккха дегаIовжам бу иза.  Салвади догцIена стаг вара, леларца, олучу дашца оьзда а, гIиллакхе а волуш. Шен болх а, белхан накъостий а безаш, деш долу гIуллакх дика а, даггара а деш, цунах самукъа а долуш вара иза. 
  Тхо кегий долчу хенахь Соьлжа-ГIалахь университетехь цхьаьна дешна дара. Салвади дика студент вара, дешарх дика кхеташ, хьоьхург сиха схьалоцуш. ЮкъарIойлехь (общежитехь) цхьана чохь кхаа шарахь цхьаьна Iийра Салвадий, Умаев Юсуппий, сой. ХIетахь дуьйна схьадогIуш ду тхан доттагIалла а, гергарло а. Цхьана хIусамехь Iаш, стаг ша ма-варра вевза, цуьнан амал а, гIиллакх-оьздангалла гучуйолу, дика а, ледара а агIонаш хаало. Салвади забаренна а цкъа а тхуна цхьанна а вас йина вац. Ахшо тхол воккха хиларна, оха цуьнга ладугIура, цуьнан дашана дуьхьал дош а ца далош. Хаза, бертахь Iийра тхо оцу цхьаьна йоккхучу хенахь. 
Салвади журналистикехь дуккха а шерашкахь къахьегна вара. Ганза дуккха а хан а яьлла, цкъа тхо цхьаьанакхетча, цо воккхаверца дийцира Махачкалахь республикански радиохь нохчийн маттахь шаьш керланаш арахоьцуш, передачаш еш болх беш хилар. Со воккхавера сайн доттагI оццул жоьпаллин а, сийлахь а болх беш хиларна. ХIетахь доккха хIума дара Дагестанан дуккха а къаьмнашна юкъара нохчашка шайн маттахь радиохь передачаш яйтар. Иштта и болх бира Салвадис. Цул тIаьхьа Хасавюьртахь «Нийсо-Дагестан» газета арадала доладелча, цигахь болх бан волавелира Салвади. 
  ТIаьхьарчу хенахь, ша цомгаш хиллалц, цу газетан редакторан Якиев Iумаран заместитель вара Салвади. Иза доккха похIма долу журналист вара, шайн редакцин болх дика бевзаш, газетана хIун материалаш оьшу хууш, царна тIехь дика болх беш. 
 Iожалло хеназа дIаваьхьи вайна юкъара вайн дика накъост, доттагI Баймурадов Салвади. Дала гечдойла цунна! Дала декъалвойла иза! Ялсманин хьаша войла цунах!
  Арсанукаев Муса,
 Нохчийн Республикин хьакъволу журналист

Автор:
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Некъ воьдучо эшор бу
Некъ воьдучо эшор бу
Некъ воьдучо эшор бу
22.04.20 Общество
Массо а хенахь юкъаралло лоруш хилла бу хьехархочун болх, хIунда аьлча цунах доьзна ду муха тIаьхье кхуьур ю цу халкъан. Нагахь тIекхуьу чкъор, Iилманан дика хаарш а
Хала буй хьехархочун болх?
Хала буй хьехархочун болх?
Хала буй хьехархочун болх?
01.04.20 Образование
Иштта хаттар делира ас тхайн хиллачу къамелехь Соьлжа-ГIаларчу номер 16 йолчу школин нохчийн меттан а, литературин а хьехархочуьнга Закриева Есита Ахъядовне. «Суна
Нохчийн поэтесса дагалацаран суьйре
Кху деношкахь Соьлжа-ГIалахь Къоман библиотекехь нохчийн поэтесса, журналист, гочдархо Жумалаева Лула дагалацаран суьйре дIаяьхьира. Иза вовшахтоьхнера Нохчийн
Нохчийн поэтан Саиев Iумаран юбилей
Кху деношкахь Соьлжа-ГIалахь, Республикин Къоман библиотекехь, вевзаш волчу нохчийн поэтан Саиев Iумаран юбилейна лерина суьйре дIаяьхьира. Нохчийн Яздархойн союзо а,
...Ас дозалла до
...Ас дозалла до
...Ас дозалла до
03.04.19 Общество
Хьалхара апрель – Дег1астанан Радиохь нохчийн маттахь йолу редакци кхоллаелла де.











«    Сентябрь 2020    »
ПнВтСрЧтПтСбВс
 123456
78910111213
14151617181920
21222324252627
282930 
все шаблоны для dle на сайте dletop.com скачать