Нохчийн поэтесса дагалацаран суьйре » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Нохчийн поэтесса дагалацаран суьйре
04.03.2020 85 0 niyso

Нохчийн поэтесса дагалацаран суьйре

Общество
В закладки
Кху деношкахь Соьлжа-ГIалахь Къоман библиотекехь нохчийн поэтесса, журналист, гочдархо Жумалаева Лула дагалацаран суьйре дIаяьхьира. Иза вовшахтоьхнера Нохчийн Республикин Культурин министерствос а, Айдамиров Абузаран цIарахчу Къоман библиотеко а. Суьйрене баьхкинера поэташ, яздархой, Iилманчаш, журналисташ, НР-н юкъараллин гIуллакххой, студенташ, поэтессин похIмалла дезаш берш.  Цхьаьнакхетар дIахьош йолчу Республикин хьакъйолчу журналисткас Газиева Азас Лулех а, цуьнан кхоллараллех а дийцира. «Иза дика адам а, доккха похIма долу поэтесса а, говза журналистка а яра, амма иза сан уллера доттагI а яра, шех муьлхха а къайле тешо мегар долуш»,  – дийцира Азас.
Кегийрхоша хIоттийначу композицехь хьовсархошна хезира Лулин стихаш а, цуьнан автобиографи тIера дакъош а. 
Суьйрене баьхкинчарна юкъахь Лулица университетехь дешна а, цхьаьна болх бина а дуккха а нах бара. Массарна иза дагахь йиснера чIогIа оьзда а, эхь-бехк долуш а, даггара лела а адам санна. Шен халкъ а, Даймохк а безаш яра иза, цуьнан стихашкахь а, дахаран новкъахь а гуш ду иза. 
  ЛадугIучарна къаьсттина дагах кхеташ дара НР-н Iилманийн Академин вице-президента, профессора Дадашев Райкома дина къамел. 
  «Со гуттар а воккхавера Лулех, иза доьналла долуш а, собаре а яра. Шен кхоллараллехь а, балхахь а, муьлхха киртиг тIеIоттаелча а нохчийн юьззина йоI ша хилар гойтура цо. Цуьнан 50 шо кхочуш хиллачу юбилейни суьйренехь вистхуьлуш, ас элира:” Cан нанас йина йиша яц, со чIогIа ирс долуш хир вара, тахана дуьйна Лула сайн йиша хилча”. Цул тIаьхьа тхан гергара, уллера юкъаметтигаш хилира. Ас сайн йиша лорура Лула. Дала декъалйойла иза,  – элира Райкома.
Филологин Iилманийн кандидата Гайтукаев Казбека шен къамелехь билгалдаьккхира Лулин кхолларалла нохчийн литературехь шатайпа меттиг дIалоцуш хилар. Шена студентка йолуш дуьйна дагайогIу иза, элира Iилманчас, иза эхье яра, кхечеран къийсаршахь дакъалоцуш яцара. Амма цо шен стихаш йоьшучу хенахь массара а леррина ладугIура, хIунда аьлча дагах кхеташ, ойла гIаттош дара Лулин говза дош. Шена тайра таханлерчу суьйренехь кегийчара поэтессех йина композици, элира Казбека, Лулин дог-ойла гайта, стихийн мукъам бовзийта аьтто хили церан. 
Шена дика евза Жумалаева Лулин кхолларалла, элира цул тIаьхьа къамел динчу профессора, филологин Iилманийн доктора Туркаев Хьасана. Цуьнан кхолларалла нохчийн литературехь хилла ца Iаш, ерриге а Кавказан литературашкахь боккха хилам бу. Иза йоккха, шен кхоллараллин куц а долуш поэтесса ю. Вайн цунах доккха дозалла дан йиш ю, аьлла жамI дира Хьасана. 
Поэтессин кхоллараллех а, дахарехь шайн цуьнца хиллачу юкъаметтигех а лаьцна дийцира философийн Iилманийн доктора Мазаева Тамарас, журналиста Гудаев Лоьмас, яздархочо Эльжуркаев Мохьмада, яздархочо Юсупов Iусмана, Iилманчаша Серганова ТIауса а, Натаев Сайпуддис а кхечара а.
Суьйре дIахьош йолчу Газиева Азас Лулин стихийн дешнаш далийра ша йистхуьлуш: «Не надо бороться с темнотой, зажгите просто свечу». (Боданца къийса ца оьшу, дуьххьалдIа чIурам латабе).  Нохчийн къомах болу лазам бара цуьнгахь. Иза нохчийн къонах зуда яра».
Суьйре ерзош, баьхкинчарна баркалла а олуш, йистхилира Къоман библиотекин директор Исраилова Сацита. Лулас шен кхоллараллин суьйре ян бакъо ца лора тхуна, элира Сацитас, иза чIогIа  бехке яра. Шен стихаш мичча конкурсе яхьийта а, муьлххачу тIегIанехь гайта а хьакъ йоллушехь, цо бакъо ца лора ша хасто, шена тIе тидам бахийта. Лула чIогIа оьзда адам дара. Вайца цуьнан исбаьхьа стихаш ю, цуьнан кхоллараллин мах цкъа а бовр бац, элира Сацитас.

Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Нохчийн поэтан Саиев Iумаран юбилей
Кху деношкахь Соьлжа-ГIалахь, Республикин Къоман библиотекехь, вевзаш волчу нохчийн поэтан Саиев Iумаран юбилейна лерина суьйре дIаяьхьира. Нохчийн Яздархойн союзо а,
Поэтан кхоллараллин суьйре
Нохчийн республикехь а, цуьнан дозанал арахь а шуьйра вевзаш волчу нохчийн поэтан Яричев Iумаран кхоллараллин суьйре дIаяьхьира кху шеран 14-чу октябрехь Соьлжа-ГIалахь
Нохчийн поэтан Исмаилов Абун юбилей
14 августехь, Соьлжа-ГΙалахь Къоман библиотекехь дΙадаьхьира нохчийн поэтан, яздархочун, Ιилманчин Исмаилов Абун 70 шо кхачарна лерина даздарш.
Халкъан артистан кхоллараллин суьйре
Кху деношкахь Нохчийн къоман драматически театрехь дIаяьхьира Нохчийн республикин халкъан артистан, Кадыров Ахьмад-Хьаьжин орденан кавалеран Азаев Хьамидан кхоллараллин
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Июль 2020    »
ПнВтСрЧтПтСбВс
 12345
6789101112
13141516171819
20212223242526
2728293031 
все шаблоны для dle на сайте dletop.com скачать