М-С. Гадаевн 110 шо кхачарна лерина » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


М-С. Гадаевн 110 шо кхачарна лерина
18.12.2019 20 0 niyso

М-С. Гадаевн 110 шо кхачарна лерина

Общество
В закладки
Нажи-Юьртан к1оштара бахархоша, къаьсттина берриге а нохчмахкахоша, йоккха сийлалла лору шайна Гадаев шайн махкахь вина а, кхиъна а хилар. Цуьнан каш Чуьрч-Ирзехь,ткъа цо шен бераллин мур-той д1адаьхьначу Ц1ен-Берда т1ехь бу, Мохьмад-Салахьан весет кхочушдеш, цуьнан лаккхара лерамбарца махкахоша цунна боьг1на х1оллам а. «Дог-мерза гул а лой... дегнийн хьу» йостий, нохчийн тоьлла поэт Гадаев дагалаца гулло кхузахь вайн республикин массо а маь11ера схьаоьху цуьнан поэзи езархой. Гадаевн безамна д1ахьочу оцу даздаре баьхкинера НР-н 1илманийн академин президент Гапуров Шахрудди,вице-президент Дадашев Райком, НР-н халкъан поэт Рашидов Шах1ид, меттигера администрацин куьйгалхой,  поэт Цуруев Шарип а, Ясаев Леча а, иштта кхин а яздархой а, журналисташ а, НР-н дешаран Министерствон министран заместитель Каимов 1абдурахьман, НР-н культурин Министерствон векалш, хьехархой, дешархой, Гадаевн юьртахой а. Карарчу беттан пхоьалг1ачу дийнахь Нохчийн Республикера Нажи-Юьртахь д1адаьхьира г1араваьлла вевзаш волу нохчийн поэт,прозаик,гочдархо,ойланча Гадаев Мохьмад-Салахь вина 110 шо кхачар билгалдаккхаран даздар. И ларамаза ца нисделлера-сийлахьчу поэтан, меттан говзанчин юбилей цигахь д1аяхьар. Гадаев дуьнен т1е ваьлла юрт Чуьрч-Ирзе билтойн тайпанан яртех цхьаъ ю, цу т1е а и юрт Нажи-Юьртах хоттаелла,шина а юьртарчара шаьш цхьа юьртахой лоруш бу. Нажи-Юьртара 3-чу школехь ю цуьнан директоро Сетиханов Салавдис а, хьехархойн коллктиво а вовшахтоьхна Гадаев Мохьмад-Салахьан музей. Царна доккха дозалла а, сийлалла а хета гоьваьлла волчу нохчийн дешан говзанчин музей шаьш кхоллар а, и шайн школехь хилар а.
Гулбеллачара дийцира Гадаевн дахаран некъах а, кхоллараллах а лаьцна. Цхьамог1а журналисташа бовзийтира шаьш Гадаев Мохьмад-Салахьан поэзех лаьцна язбина белхаш. Уьш ахчанан совг1атца билгалбехира НР-н 1илманийн академино. 
Баьрла хилам бара Гадаевн кхоллараллин декъехь д1акхайкхийна хиллачу конкурсехь дакъалоцуш вайн республикин ерриге к1ошташкара дешархой хилар:Теркаца йолчу кхаа а к1оштара, Веданан, Хьалха-Мартанан, Т1ехьа-Мартанан, Шелан, Курчалойн, Гуьмсен а к1ошташкара. Дешархоша йоккхачу говзаллица йоьшура Гадаевн стихаш, дийцарш т1ера дакъош, яздина кехаташ. НР-н дешаран министран ц1арах ахчанца совг1аташ делира царна а. 
Цхьаьнакхетар дерзош меттигера исбаьхьаллин тобано д1аэлира Гадаевн дешнаш т1ехь даьхна иллеш, мехкарша лийкхира эшарш а.

Автор: БУРЧАЕВ Хьалим
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Нохчийн поэтан Саиев Iумаран юбилей
Кху деношкахь Соьлжа-ГIалахь, Республикин Къоман библиотекехь, вевзаш волчу нохчийн поэтан Саиев Iумаран юбилейна лерина суьйре дIаяьхьира. Нохчийн Яздархойн союзо а,
Нохчийн поэтан Исмаилов Абун юбилей
14 августехь, Соьлжа-ГΙалахь Къоман библиотекехь дΙадаьхьира нохчийн поэтан, яздархочун, Ιилманчин Исмаилов Абун 70 шо кхачарна лерина даздарш.
Соьлжа-ГІалех лаьцна керла книга
Дика ламаст хилла схьадогІуш ду Абузар Айдамировн цІарахчу Республикин къоман библиотекехь яздархойн, поэтийн, культурин гІуллакххойн кхоллараллин суьйренаш а, юбилейш
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Январь 2020    »
ПнВтСрЧтПтСбВс
 12345
6789101112
13141516171819
20212223242526
2728293031 
все шаблоны для dle на сайте dletop.com скачать