Нохчийн яздархойн Союзан – 90 шо » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Нохчийн яздархойн Союзан – 90 шо
27.11.2019 15 0 niyso

Нохчийн яздархойн Союзан – 90 шо

Общество
В закладки
ДIадаханчу еарин дийнахь, 21-чу ноябрехь, Соьлжа-ГIалахь, Къоман библиотекехь дIаяьхьира Нохчийн Республикин Яздархойн союзан 90 шо кхачарна лерина йоккха форум. Цуьнан балхехь дакъалецира Нохчийн Республикин Правительствон декъашхоша, Москвара а, луларчу республикашкара а баьхкинчу хьешаша, нохчийн яздархоша, журналисташа, литература езархоша. Форум дIайолалуш, Нохчийн яздархойн союзан историх а, цуьнан кхиарх а, таханлерчу дийнахь долчу хьолах а лаьцна къамел дира яздархойн Союзан председатела Ибрагимов Кантас. 
 – Тахана вай гулделла хIокху исбаьхьачу цIа чохь яздархойн Союзан 90 шо кхачар даздан. И терахь билгалдаккхар кху чохь нисдалар доккха маьIна долуш гIуллакх ду: кху библиотекехь вай язйина а, тIейогIу йолчу хенахь язъен йолу а книгаш Iохкур ю. Цара  вайн къоман синан хазна дебор ю. ТIейогIучу тIаьхьенашна вайн халкъан дахар, цуьнан истори, культура йовзарехь Iаламат мехала хIума ду иза,  – элира Кантас шен къамелехь.
Кантас дош ло Россин яздархойн Союзан председательна Иванов Николай Федоровична. Нохчийн яздархой юбилейца декъал а беш, Москварачу хьешо билагалдоккху, Нохчийн яздархойн союз Россин яздархойн союза юккъехь уггаре а тоьлларг хилар. 
– Аша шайн яздархой ларбо, тидаме оьцу церан болх, хIора шарахь стамдо союзан декъашхойн магIарш керла яздархой тIеэцарца. Чулацаме а, историн, оьздангаллин кIорггера маьIна долуш а ю нохчийн яздархойн произведенеш. Шайн историн хиламаш гайтина ца Iаш, таханлера дахар а, шайн къоман лехамаш а, гIиллакх-оьздангалла а гойту аш царна чохь. Нохчийн яздархойн баккхий кхиамаш бу, иза гуш ду церан произведенех лаьцна ешархошна хетачуьнга ладоьгIча,  –  элира Н. Ф. Ивановс. 
Юха нохчийн яздархойн магIаршка тIеэцначу союзан керлачу декъашхошна удостоверенеш дIаделира Россин яздархойн Союзан председатела а, Ибрагимов Кантас а. Царна юкъахь дукхахберш къона нах бара, литературехь хьалхара гIулчаш а йохуш, тахана цу декъехь кхиамца къахьоьгуш болу.
Цул тIаьхьа Н.Ф. Ивановс Российн яздархойн Союзан дуьххьарлера байракх гойту форуман дакъалацархошна. И байракх Нохчийн яздархойн Союзан председателе Ибрагимов Канте дIало цо, шайн организацехь иза латтае, иза Россехь тоьллачу яздархойн союзана луш ю, шуьгахь хьакъ ю вайн байракх, олий. Гуллбеллачара тIараш детташ тIеоьцу доккха маьIна долу а, нохчийн яздархошка боккха ларам болу а и гIуллакх.
Нохчийн Республикин Правительствон вице-премьерна Ахмадов Мусанан дош ло. Цо Республикин куьйгалхочун Кадыров Рамзанан цIарах долу Маршаллин кехат дIадоьшу. Яздархойн союзан 90 шо кхачарца нохчийн яздархой декъал а беш, церан кхиамаш билгалбоху шен кехата тIехь Республикин куьйгалхочо.
Шена дош делча, Республикин куьйгалхочун а, правительствон а администрацин куьйгалхочо Таймасханов ГIаласа дIадоьшу Кадыров Рамзана арахецна Указ. Цуьнца цхьамогIа яздархошна Республикин куьйгалхочун а, правительствон а цIарах еза цIераш а, совгIаташ а ло. Царна юкъахь «Нохчийн Республикин халкъан яздархо» цIе елла волу поэт Дакаев СаIидбек а, «Нохчийн республикина хьалха декхарш кхочушдарна» орден елла поэт Ахматукаев Адам а, «Къинхьегамехь толамаш бахарна» мидал елла яздархо Дадаев Сайдхьасан а, баркаллин грамоташ елла цхьамогIа кхин яздархой а бу.
Москва-гIалин яздархойн Союзан председатела Бояринов Владимир Георгиевича шен къамелехь билгалдаьккхира нохчийн яздархошца шен дуккха а хенахь доккха доттагIалла хилар. Ша бераллин хенахь Казахстанехь кхиъна ву, цигахь нохчий бевзина шена, царах хIетахь кхоллаелла дика ойла, цаьрца ша лелийна доттагIалла таханлерчу дийне схьадеана ша, аьлла, хаийтира цо. Нохчийн поэтаца Арсанукаев Шайхица ша лелийначу гергарлонах лаьцна а, ша цуьнан стихаш оьрсийн матте яхарх а дийцира Бояриновс. 
Ибрагимов Кантас Нохчийн яздархойн Союзан цIарах «Петр Захаров» цIе йолу орден ло Н.Ф. Ивановна а, В.Г. Бояриновна а шен-шена. Цушиммо нохчийн яздархойн балхахь жигара дакъаларцарна а, доттагIаллин уьйраш чIагIъярна а делла дара и совгIаташ. 
Цул тIаьхьа луларчу республикашкара баьхкинчу яздархойн Союзийн председательша: ГIалгIайн Республикера Дидигова Раисас, Къилбаседа ХIирийн республикера Гаштанов Алана, ГIебартойн-Балкхарийн республикера Беппаев Муталиба, Ставрополан махкара С.А. Черкашина, юбилейца нохчийн яздархой а, дерриг халкъ а декъал а деш, Маршаллин кехаташ дIадийшира, совгIаташ а делира. 
Юбилейна леринчу форуман официале дакъа дерзош, дош делира Республикин куьйгалхочун пресс-секретарна Каримов Iальвина. Кху мероприяте баьхкинчу хьешашна баркалла а олуш, Iаьлвис билгалдаьккхира Нохчийн яздархойн Союзо дIаяханчу хенахь а, таханлерчу дийнахь а кхиаме а, беркате тIаьхьало йолуш а болх беш хилар. 
Форуме баьхкинчеран самукъадаьккхира Нохчийн республикин къоначу артисташа. Хьовсархоша дика тIеийцира уьш. Къаьсттина чIогIа тIараш деттарца шайн самукъадалар гайтира цара, Нохчийн Республикин халкъан артисткас Исаева Iайнаа эшарш лекхча.
Автор: Арсанукаев Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Сийлахь яздархо дагалоцуш
28-чу октябрехь Соьлжа-ГIалахь Къоман библиотекехь дIаяьхьира Нохчийн халкъан яздархо Абузар Айдамиров дагалацаран суьйре. Иза вовшахтоьхнера Нохчийн республикин
Поэтан кхоллараллин суьйре
Нохчийн республикехь а, цуьнан дозанал арахь а шуьйра вевзаш волчу нохчийн поэтан Яричев Iумаран кхоллараллин суьйре дIаяьхьира кху шеран 14-чу октябрехь Соьлжа-ГIалахь
Нохчийн поэтан Исмаилов Абун юбилей
14 августехь, Соьлжа-ГΙалахь Къоман библиотекехь дΙадаьхьира нохчийн поэтан, яздархочун, Ιилманчин Исмаилов Абун 70 шо кхачарна лерина даздарш.
Литературни конкурсан жамΙаш
Суьйре дΙахьош волчу Нохчийн Республикин Яздархойн Союзан правленин председатела Ибрагимов Кантас дийцира конкурсах лаьцна. «Бенойн бΙаьсте» цΙе йолу, къоначу авторшна
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а











«    Декабрь 2019    »
ПнВтСрЧтПтСбВс
 1
2345678
9101112131415
16171819202122
23242526272829
3031 
все шаблоны для dle на сайте dletop.com скачать