Иза даим халкъан иэсехь хир ву » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Иза даим халкъан иэсехь хир ву
06.11.2019 6 0 niyso

Иза даим халкъан иэсехь хир ву

Общество
В закладки
Даймехкан сийлахь-боккхачу тIаме воьдуш, цуьнан вуьрхIитта шо бен дацара. Хала а, къиза а хиллера цуьнан бераллин а, кхиазхочун а хан, амма халонаша вахчийна, къонахчун амал шегахь йолуш, кхиъна вогIу жима стаг вара иза.  Ханпаша Нурадилов. Тахана цуьнан цIе ерриге а Россехь а, цуьнан дозанал арахь а евзаш ю. Иза майра тIемало, Даймохк ларбеш, шен са дIаделла башха турпалхо ву. МостагI вайн махка веача, бехк боцу адамаш: бераш, зударий, баккхий нах  къизаллица хIаллакбеш, церан хIусамаш йохош, шена гича, тIаме ваха аравелира Ханпаша. Шен декхар мостагIчунна дуьхьал тIаме хIоттар лерира цо. 
ТIеман декъехь хIораннан шен болх а, декхарш а ду. Шега схьаделла муьлхха а гIуллакх кхочушдеш, ша низам долуш а, тIахъаьлла а тIемало санна гайтира Ханпашас. Иза дукха хан ялале пулеметан расчете хIоттаво. Кхузахь гойту цо шен дуьххьарлера докккха хьуьнар: мостагIашца хиллачу цхьана тасадаларехь масех бIе фашист воь майрачу нохчийн кIанта. Командованис иза билгалвоккху, цунна бIаьхаллин хьуьнарш гайтарна совгIаташ ло, пулеметан расчетан командир хIоттаво. Кхин дуккха а хуьлу майрачу кIентан мостагIашца тийсадаларш, амма цхьана а меттехь ледарло ялийтина, вухаваьлла меттиг ца гайтина цо. Цунах лаьцна тIеман газеташ тIехь цу хенахь яздора: «Кавказан аьрзу», «Башха пулеметчик», «Майра турпалхо», иштта цу кепара кхин дуккха а. Иза хьакъ вара шех лаьцна иштта  яздан.     Цунна кхерам ца хаалора, шен пулеметаца уггаре а халачу меттехь каравора иза. Сталинград яккха немцойн фашисташ тIелеттачу хенахь Ханпаша а, иза санна болу майра турпалхой а бахьана долуш, мостагIашка схьа ца яккхаелира и гIала. Дукха башха советски тIемалой кхелхира Сталинград ларъеш хиллачу тIемашкахь, цигахь кхалхар хилла Ханпашин а. Ша тIом бинчу шина шарахь 920 немцо вийна цо, пулеметни 7 расчет схьаяьккхина, 12 мостагI йийсаре а валийна. Кхин хIун хьуьнарш гайта дезара бакъволчу тIемалочо Даймехкан дуьхьа ша бечу тIамехь? Советски Союзан Турпалхочун цIе ялийтрахьама  доьазза кехаташ кечдира  Ханпашас тIом бинчу дивизера командованис. Амма хIоразза а цхьацца бахьаница уьш дIатоттура. Эххар а цунна и цIе елира (кхелхинчул тIаьхьа). Харцонаш вайн къомах болчу тIемалошца чIогIа лелийна цу хенахь а, цул тIаьхьа а. Делахь а нийсо даим тоьлур ма ю, и  ца тола йиш а ма яц. Турпалхочун цIе яйъа гIиртинарш юьхьIаьржачу хIиттира, бакъдерг туьйлира.
Вайн махкахь ирсе а, машарен а хан хилийтархьама, вайн адамаш лоллехь а, баланехь а ца бахкийтархьама,  шен къона дахар дIаделира Нурадилов Ханпашас, иза 20 шо а кхачаза вара кхелхачу хенахь. Сталинградана (хIинца Волгоградана) уллехь Букановская станицехь д1авоьллина ву и башха турпалхо. 
Вайн махкахь Ханпашин цIе йицйина яц, цуьнан цIарах ярташ а, урамаш а, школаш а, Нохчийн къоман театр а ю. 
Нохчийчоьнан бахархоша хазахетарца тIеийцира Соьлжа-ГIалина юккъехь, Кадыров Ахьмад-Хаьжин цIарахчу урамна юххехь йолчу скверехь Нурадилов Ханпашина лерина хIоллам (памятник) хIоттор. ТIекхуьучу тIаьхьенашна шайн къоман турпалхо вовзар, цунах долу иэс цаьргахь латтор, цуьнан сий дайтар – иштта Iалашо йолуш а, махкахошна а, генара баьхкинчу хьешашна а Ханпашех лаьцна дерг довзийта а хIоттийра иза Республикин куьйгалло.  
  2018-чу шеран 9-чу майхь Нурадилов Ханпашина лерина хIоллам схьабиллира. Лекхачу постамента тIехь лаьтташ ву башха турпалхо, цунна тIехьа  цуьнан тешаме пулемет а ю. Майра бIаьхо хIинца а вай лардан дIахIоьттича санна ву ша лаьттачу меттехь. 
  ХIара сквер а Ханпашин цIарах ю. Кхузахь гуттар а ловзуш бераш, садоIуш Iаш баккхийнаш а бу, юххерачу Мехкадаьттан университетан студенташ а хуьлу кхузахь Iаш шайн мукъачу хенахь. ТIехволург, соций, леррина хьожу хIолламе, ойлане волу.  Турпалхочух лоций дика а, баркалле а ойла кхоллало цуьнан даг чохь. 
Ханпаша Нурадилов гуттар а нехан иэсехь ву, иза а, цо гайтина хьуьнарш а вай а, тIекхуьучу тIаьхьено а цкъа а дицдийр дац.
Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Поэтан кхоллараллин суьйре
Нохчийн республикехь а, цуьнан дозанал арахь а шуьйра вевзаш волчу нохчийн поэтан Яричев Iумаран кхоллараллин суьйре дIаяьхьира кху шеран 14-чу октябрехь Соьлжа-ГIалахь
«Сан дог-ойла сан суьрташкахь гур ю…»
Тахана Даудова Фатима Нохчийн Республикехь хилла ца 1аш, цуьнан дозанал арахь а шуьйра евзаш суртдиллархо ю. Цуьнан белхаш дукхазза а тайп-тайпанчу гайтамашкахь а,
Къизаллин шераш
Къизаллин шераш
Къизаллин шераш
20.02.19 Общество
75 шо. Цхьана стеган оьмар. Оццул зама д1аяьлла, хууш ма-хиллара, вайнах махках а баьхна, оцу пана махка – Казахстане а, Юккъерчу Азе а д1ахьовсийна.Баккхийчеран
Журналист санна вевзина ца Iа иза
ХХ - г1а б1ешеран доьзткъе уьтталг1ачу шерашкахь журналистикехь къахьега волавелла Борхаджиев Хожбауди. Ша болх бечу газетан корреспондента т1ийра д1аволавелла, коьртачу
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930 
все шаблоны для dle на сайте dletop.com скачать