Сийлахь яздархо дагалоцуш » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Сийлахь яздархо дагалоцуш
06.11.2019 6 0 niyso

Сийлахь яздархо дагалоцуш

Общество
В закладки
28-чу октябрехь Соьлжа-ГIалахь Къоман библиотекехь дIаяьхьира Нохчийн халкъан яздархо Абузар Айдамиров дагалацаран суьйре. Иза вовшахтоьхнера Нохчийн республикин яздархойн союзо а, Къоман библиотеко а. Суьйре дIахьош волчу, республикехь шуьйра вевзачу поэта Саиев Iумара Абузарах лаьцна хаза дош элира:
  – Тахана кху зала чохь гулбелларш Айдамиров Абузаран кхолларалла евзаш а, езаш а болу нах бу. Со тешна ву, цуьнца цкъа къамел динчу стагана иза цкъа а вицлур вацара. Абузар вуно оьзда, гIиллакхе, догцIена стаг вара. Цо Iаламат йоккха хазна йиллина шен кхоллараллица вайн литературина а, культурина а юккъе. 
Аубзарах дош олуш, вистхилира Нохчийн яздархойн союзан председатель Ибрагимов Канта. Яздархочун кхоллараллин лаккхара мах хадийра Кантас, цо вайн литература шен говзаршца деборах, кхиорах лаьцна дийцира. Нохчийн Республикин Хьалахарчу Президента Кадыров Ахьмад-Хьаьжас а, Айдамиров Абузара а гIо дар бахьанехь шена Россин Пачхьалкхан преми яларх лаьцна а дийцира Кантас.
  Айдамиров Абузаран кхоллараллех лаьцна чулацаме доклад йира литературни критика Бурчаев Хьалима. 
«Сан шеца хиллачу къамелехь Абузара элира, шен историга йолу шовкъ кхоьллинарг гуьржийн яздархо Александр Казбеги ву аьлла. Цо нохчех лаьцна дуьйцу шен повесташ тIехь. Уьш махках бовлар,цара хьегна баланаш гойту. Нохчийн истори кхин тIе а талла, цунах дерг къасто ойла кхоллаелира шен, дуьйцура Абузара. Иштта веара иза шен исторически романашна тIе, –  элира Хьалима. Цо билгалдаьккхира яздархочун кхолларалла хIинца а кхоччуш теллина цахилар. Цу тIехь бан безаш дуккха а болх бу, элира критика.
Цул тIаьхьа къамелаш динчу Нохчийн республикин Куьйгалхочун пресс-секретара Каримов Iальвис, Нохчийн Iилманийн академин вице-президента,академика Дадашев Райкома, академика Батаев Денис, халкъан яздархочо Нунуев Сайд-Хьамзата, кхечара а лаккхара мах хадийра Айдамиров Абузаран кхоллараллин, цуьнан дикачу амалх, гIиллакх-оьздангаллах, шен къомах дог лозуш иза хиларх лаьцна дийцира цара.
  Шен кхоллараллица а, хьаналчу дахарца а Айдамиров Абузара боккха тIеIаткъам бина яздан буьйлалуш болчу яздархошна а, поэташна а. Царна воккха доттагI а, хьехархо а хилла схьавеана иза. Тахана Нохчийн республикехь шуьйра бевзаш болу яздархой, цара дуьххьарлера гIулчаш литературехь йохуш, Абузара когаирахIиттийна бу. Цунна гора церан говзарийн кхачамбацарш, ледарлонаш, амма къоначу авторшна хала ца хоьтуьйтучу кепара уьш нисбеш, литературин халачу новкъахула дIабаха гIо деш, къахьоьгура цо. Цунах лаьцна а дийцира Абузар дагалацаран суьйренехь.
«Иза шен юьртан а, районан а векал хилла ца Iара, иза вайн массеран а вара. Халкъан кхетам самабоккхуш, нийсаниг нийса ду, зуламениг зуламе ду майрра дIаолуш вара иза. Цуьнгахь бакъдерг дIаала доьналла дара», – элира Нохчийн республикин хьакъволчу журналиста Сумбулатов Денис.
Суьйренехь дакъалоцуш дешархой а бара. Цара Айдамиров Абузаран стихаш йийшира. Вайн республикехь а, кхечу регионашкахь а шуьйра евзаш йолчу Нохчийн республикин халкъан артисткас Дадашева Тамарас Абузаран дешнаш тIехь яьккхина йиш лекхира, иштта яздархочун дешнаш тIехь даьхна иллеш элира иллиалархоша Межидов Сахьаба а, Мунашев Анзора а. 
Суьйре ерзош, баркаллин дош олуш, йистхилира Айдамиров Абузаран йоI, яздархо Айдамирова Машар.

Автор: АРСАНУКАЕВ Муса
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Поэтан кхоллараллин суьйре
Нохчийн республикехь а, цуьнан дозанал арахь а шуьйра вевзаш волчу нохчийн поэтан Яричев Iумаран кхоллараллин суьйре дIаяьхьира кху шеран 14-чу октябрехь Соьлжа-ГIалахь
Литературни конкурсан жамΙаш
Суьйре дΙахьош волчу Нохчийн Республикин Яздархойн Союзан правленин председатела Ибрагимов Кантас дийцира конкурсах лаьцна. «Бенойн бΙаьсте» цΙе йолу, къоначу авторшна
Соьлжа-гІалахь нохчийн яздархойн съезд дІаяьхьира
Нохчийн Республикин Яздархойн Союзан 17-гІа съезд дІаяьхьира кху шеран 15-чу январехь Соьлжа-ГІалахь.Цуьнан балхахь дакъалецира НР-н Куьйгалхочун а, Правительствон а
Зорбанера араяьлла шатайпа книга
Дукха хан йоцуш зорбанера араяьллачу «Литературно-географический атлас Чеченской республики» цІе йолчу книгин презентаци дІаяьхьира январь беттан 10-чу дийнахь
Поэт халкъан иэсехь вехаш ву
Нохчийн поэт Мамакаев Iарби дуьнен чу ваьлла 100 кхачарна лерина кхоллараллин суьйре дIаяьхьира кху шеран 18-чу декабрехь Соьлжа-ГIалахь Нохчийн драматически театрехь.











«    Ноябрь 2019    »
ПнВтСрЧтПтСбВс
 123
45678910
11121314151617
18192021222324
252627282930 
все шаблоны для dle на сайте dletop.com скачать