Iалашбе нохчийн мотт! » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Iалашбе нохчийн мотт!
11.03.2020 30 0 niyso

Iалашбе нохчийн мотт!

Образование
В закладки
М.Горькийн  цIарах йолчу гимназехь ненан меттан денна лерина урокаш, мероприятеш дIаяьхьира. Уьш кечъеш жигара дакъалецира гимназехь нохчийн мотт хьоьхуш болчу хьехархоша Баширова Наида Таджидиновнас а, Тухаева Зулай  Абдулбасировнас а.

Тухаева З.А. кечъйинчу лекторски тобано хIора классехь дийцира нохчийн меттан оьздангаллех , собарех, гIиллакхех, хазаллех лаьцна. Иштта Зулайс 4 «а» классехь елира нохчийн литературан урок «Д.Кагерманов . Стихотворени «Сан Кавказ».  Кагерманов Д. дуккха а произведенеш язъйина нохчийн маттахь, уьш оьрсийн матте яьхна а ю. “Мотт хаарна и безарна доккха гIо до берийн дас-нанас. Цара шайн доьзалехь ненан мотт бийцахь, бераша школехь хало йоцуш Iама бо и”, - бохуш дуьйцу цо.
Шен махке, Кавказе, салам луш йолало стихотворени «Сан Кавказ». Моссо дахар, безам, ойла авторан Кавказаца юстуш ю. Бераша дийцира вайн халкъан турпалхойх лаьцна - Нурадилов Ханпашех, Шерипов Арсланбеках. Уьш санна турпалхой кхиорна доккха баракалла олу авторо Даймахке. Хьоме республика дукха езар, халкъан ирс даьккхинарш дагахь латтабар, нохчийн мотт безар – коьрта Iалашо яра урокан.
Баширова Наида Таджидиновнас 2 «б» классехь йира нохчийн меттан урок «Предложени а, дош а» цIе  йолуш. Берашна хьошалгIа баьхкира туьйранан турпалхой: Красная Шапочка (Акиджиева Х.), Лиса (Гериева М.), хьекъале «йоккха стаг» (Минсултанова С. ). Бераша дуккха белхаш кхочушбира урокехь: предложенеш хIиттийра сурташ тIехь, вовшахтуьйхира кицанаш, жоьпаш делира хIетал-металшна. Урокан жамI дира  хьекъале «йоккхачу стага». Урок берашна чIогIа  хазахийтира, уьш кIад ца беллера. Царна даим  дагахь лаьттар ю и урок: 
«ГIиллакхе верг наха лору  «ГIоза ваха» , - олу.
 ГIатта , вагIахь воккханиг ,
ГIиллакх ма ду коьртаниг».
Аса а йира 6 «а» классехь нохчийн литературан урок, цуьнан тема яра «Муталибов Зайнди Абдулхалимовичан т1еман лирика». Берашна поэтан дахаран некъах а, тIеман чулацам болчу стихотворенех а, кхетам белира ас . 
Муталибов З.А. поэт –тIемало ву. 1941 шо чекхдолуш ша вига а аьлла тIам тIе ваханера и. ТамI тIехь цунна ворхI правительственни совг1ат делла, царна юкъахь орден Красной Звезды ю. Урокехь йовзийтира поэтан «ХIаллакьхиллачу динах льацна илли»  ц1е йолу стихотворени. «Леча – дин; сан хьоме накъост» - иштта кхайкхам бора т1емалочо шен тешамечу накъосте-дине. Тiам тIехь йолу халонаш шиммо а лайна  цара», къурд бан бен доцу хи, шоззаа бен кхалла доцу дакъийна цастар» – цхьанисса доькъура бохуш дуьйца яздархочо. Доккха вон догIу цуьнга дин хIаллакьхилча, йисина хан мостагIчунна бекхам беш яьккхина цо.Кхин цхьа стихотворени йовзийтира ас дешархошна «Дин беллачу кIентан илли». Хаза дешнаш  ду цу юкъахь . Нанас бер санна , ас хьоме кхиийра хьо». Цу иллега ладуьйгIира бераша.
ХIокху шарахь вайн халкъо даздийр ду тIом чекхбаьлла75 шо кхачар . Муталибов З.А. стихотворени «Письмо к сыну» - кхайкхам бу таханлерачу кегирхошка «Мой сын, долг выполняя, преданно служи , и помни, Отчизна за тобою». Оьрсийн маттахь чIогIа хаза и стихотворени йийшира Касимов Майрбека (6 «в» кл.)
ТIом чекхбаьллачул тIаьхьа Муталибовс язъйо стихаш, поэмаш, рассказаш, повесташ. Цо дIахьочу белхан цхьа Iалашо яра – дуьненахь Машар латтор. И машар латтон дезарш вай ду – бераш , баккхийнаш.
Адам – леш ду – халкъ леш дац. Яздархо лийр вац , нагахь цуьнан иллеш халкъан дагахь цуьнан аз хилла д1аийна делахь. Халкъан аз хилла, тIамна доьхьал хилла, машаре кхойкхуш схьайогIу Муталибовн поэзи.
Тхан гимназехь санна, массо а школашкахь нохчийн мотт а , нохчийн литература а Iамош хьехархой бу . Цара доккха гIуллакх деш ду – берашна шайн ненан мотт безийта , бовзийта, биц ца балийта. Моссо хьехархой декъал беш, даггара баракалла ала луур дара суна . Дала аьтту бойла шун!
Баракалла, хьехархо!
Баракаллах хьуна!
Со винчу, кхиъначу
Сайн ненан маттахь
Деша а, язда а
Со Iамаварна .
Сан деган сий – лерам,
Сан хастам – хьуна, хьехархо!
                                                      ( Дикаев Б.)
                            
Автор: Маьлхиш Умарова, оьрсийн а, ненан а меттанийн хьехархо
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
«Шен бийца мотт боцург къам дац»
Ненан мотт. Цуьнан маь1на. Иза 1амор, хьехар, доьзалехь, чохь-арахь бийцар.Оцу ладамечу г1уллакхна лерина тайп-тайпана мероприятеш д1ахьо Хасавюртовски хьехархойн
25-гIа апрель – нохчийн меттан де
Шен ненан мотт халкъо, Сий ойбуш, 1алашбахь, Цу халкъан парг1ато Цхьаммо а хьошур яц Мамакаев Мохьмад Хууш ма-хиллара, Нохчийн Республикин куьйгалхочо Кадыров Рамзана
«Нохчийн туьйранаш» книгин презентаци
21-чу февралехь, Соьлжа-ГIалахь, Республикин берийн библиотекехь дIаяьхьира евзаш йолчу журналистан, гочдархочун Чагаева Тамарин «Нохчийн туьйранаш» цIе йолчу книгин
Нохчийн меттан семинар
Нохчийн меттан семинар
Нохчийн меттан семинар
27.02.19 Образование
Х1ора шарахь чиллин (февраль) беттан 21-чохь массо а къаьмнаша даздеш ду Дуьненаюкъара ненан меттан де. Дагестанехь къаьсттина тидам бо оцу денна. Х1унда аьлча,
Вовшашца уьйр латтор ю
Вовшашца уьйр латтор ю
Вовшашца уьйр латтор ю
14.11.18 Общество
Д1адаханчу к1ирнахь Хасавюртара школийн нохчийн меттан хьехархоша д1аяьхьира семинар. Иза лерина яра нохчийн яздархочунна Гадаев Мохьмад-Селахьана. Хьалха санна, семинар











«    Апрель 2020    »
ПнВтСрЧтПтСбВс
 12345
6789101112
13141516171819
20212223242526
27282930 
все шаблоны для dle на сайте dletop.com скачать