Массо а вайнеха стаг февраль баттахь ойланаш керлаюьйлуш, ша-тайпа кхоьлина хуьлу. Х1унда аьлча кху беттан 23-чу дийнахь рог1ера шо дузу нохчий а, г1алг1ай а бехк боцуш, цхьа а бух боцу ц1араш а техкина, махках баьхна. Сталинан 1азапан 1едало вайн къам дохийна 77 шо кхочу кху шарахь. И де вайна карла а доккхуьйтуш, оцу хенахь шаьш хьийгинарг а, шайна мел гинарг а дийцита, со хилира Хасавюртан к1оштарчу Нурадиловера вахархо – Керимов Ахьмад волчохь.
