Йиш йац иза биц бан! » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Йиш йац иза биц бан!
20.04.2022 170 0 niyso

Йиш йац иза биц бан!

Новости
В закладки
Т1едог1учу оршот дийнахь луларчу республикехь а, иштта нохчий мел бехачохь а билгалдоккхуш ду вайн ненан меттана лерина де. Кху шарахь пхийтта шо кхочу и де вай даздеш долу.Ларамза дац, соьга хаьттича, иштта лаккхарчу т1ег1ане а даьккхина, цунна лерам бар. Цкъа делахь, иза вайн бу, уггаре хьоме а, хаза а. Аганахь дуьйна нанас беранна хазбеш, 1амош схьабеана а бу иза. ГIиллакхаш, ламасташ, Iадаташ – уьш дерриге маттаца девза жимчохь дуьйна. Йуха, т1аьхьарчу шерашкахь ч1ог1а чолхе хьоле даьлла нохчийн мотт бийцаран а, кхиоран а г1уллакх. Х1унда аьлча, кегирхоша, дукха хьолахь, оьрсийн меттан дешнаш йукъадаладо шайн  къамелехь. Кхин а доьхна хьал ду таханлера кегийчу, мотт 1емачу берашкахь дериг. Оьрсийн мотт «ненан» болуш санна буьйцу цара. Цуьнах х1ун хила кхерам бу? Бакъду, вайн мотт д1абалар. Ишттаниг хиларна кхоьруш йукъадаьккхина «Нохчий меттан де». Дукха хьолахь, иштта кхераме хьал г1аланашкахь хуьлу. Ала дог1у, берийн бешашкахь а, ишколашкахь а, иштта кхин йолчу дешаран учрежденешкахь а, тайп-тайпана белхан меттигашкахь а оьрсийн мотт бийцар дукха хуьлу. Иза иштта ца хилчи а ца долу. Делахь а, къаьсттина доьзалехь берашка вайн мотт бийца а, бийцита а беза. 
Къаьсттина Дагестанехь долу хьал дийцича, беккъа вайн къомах берш бехачу йарташкахь-м, цхьа-дика, иштта кхераме дац. Ткъа вайца цхьаьна кхечу къомах берш бехаш болуш меттигаш а ма ю. Царах х1оранна а коьрта билгало а, къоман бух а бу ненан мотт. Ма-дарра аьлча, тахана муьлхха а къоман уггаре а оьшучух коьртаниг бу иза. Х1унда аьлча, массеран а цхьатерра бала бу иза. Иза доцуриг а, хуучара билгалдаккхарехь, кхин а цхьаъ кхачамбацар а ду. Ишколашкахь ненан мотт хьехаран са1аташ к1еззига ду вайн махкахь. Ненан мотт муьлхха а къоман бух бу. Ткъа нохчийн маттаца цхьаьна б1е шерашкахь схьайеана вайн оьздалла, ткъа цуьнца цхьаьна г1иллакх. Халахетариг – вайн мотт д1абаларца цхьаьна и дерриге а д1адолу. Вайх х1орамма а шен доьзалехь мукъана а ненан мотт бийцар коьртаниг ду. Т1аккха бен т1екхуьучу чкъоранна иза 1емар а, безар а бац.
Ненан мотт х1ора а къоман хазна йу. Иза санна дукха дезаш х1ума хила йиш йац вайн. Амма, вайна массарна а хаа деза – мотт вай биц бахь, т1аьхьа бог1учара гечдийр дац вайна. Иштта чолхе чаккхенах Дала лардойла вай.

Автор: Мовсар Баймурадов
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Мотт боцуш къам дац... ...
Мотт боцуш къам дац... ...
Мотт боцуш къам дац... ...
16.02.22 Общество
Кху деношкахь дерриге а дуьненахь даздеш ду «Ненан меттан де». Иза йукъадаьккхина 1999 шеран ноябрехь ЮНЕСКОн Геренарьлни конференцин 30-г1а сессин сацамца. Оцу хенахь
ОЬЗДАЛЛА А, НЕНАН МОТТ А!
Х1ора шарахь 21-чу октябраьхь вайн республикехь билгалдоккхуш ду Дагестанан оьздаллин а, ненан меттанийн а де. Схьахетарехь, лаамза дац и де иштта даздаран т1ег1ане а
НЕНАН МОТТ – ВАЙН ДОЗАЛЛА
Дуьненан юкъара ненан меттан де кхоьллина 1999 шарахь ЮНЕСКОн 30 Генеральни сессехь. И де даздо хlора шарахь февралан 21-чу дийнахь. И де массо а къаьмнашна биглалдаккха
Сан деган лазам
Сан деган лазам
Сан деган лазам
25.11.20 Общество
Т1аьххьарчу шерашкахь вайн къомах доглозуш а, вайн дахаран некъ нийса хилахьара бохуш а нах вайна юкъахь к1еззига хилча санна хета суна. Дагестанехь бехаш болчу массо а
Мотт мел беха деха къам
Мотт мел беха деха къам
Мотт мел беха деха къам
22.04.20 Общество
Кху деношкахь дуьненахь бехачу массо а нохчаша даздеш ду ненан меттан де. Дуьххьара 2007-чу шарахь Нохчийчоьнан куьйгалхочо шен омрица т1еч1аг1дира и дезаде

















«    Январь 2023    »
ПнВтСрЧтПтСбВс
 1
2345678
9101112131415
16171819202122
23242526272829
3031 
все шаблоны для dle на сайте dletop.com скачать