Меликов Сергейс дийцира йукъараллин транспорт т1ехсов йаларан аг1онах лаьцна а, цунах дерг къасто некъаш а бийцира.

«Кху шарахь г1алин автобусийн системехь реформаш йан йолийра оха. Тхо г1ерта и йерриге транспорт цхьана пачхьалкхан долахь йолчу компане йерзо. Карарчу хенахь и болх чекхъбла герга бу. Керлачу шарахь йуккъерчу автобусийн терахь алсамдаккха лерина ду», — билгалдаьккхира цо.

Некъахой д1асалелоран декъехь пачхьалкхан оператор кхолларан маь1на дийцира республикин куьйгалхочо:

«Вай ницкъ бан йиш йац долахь йолчу компанешна алсам машенаш эцийта. Тайп-тайпана бахьанаш а далош, иза хила йиш йоцуш х1ума ду бохуш ч1аг1до цара. Цундела 1едалан некъ оьшу: дерриг а цхьана организацин к1ел вовшахтохар а, бюджетан ахча керла машенийн парк эцар а нисдар. И г1уллакх тхан тидамехь ду, иза д1адерзорехь жигара къахьоьгуш ду тхо».

Цул сов, республикин куьйгалхочо д1ахьедар дира, гергарчу беттанашкахь йоккха цхьаьнакхетар д1ахьур йу аьлла, цигахь йовзуьйтур йу йукъараллин транспорт модернизацин программа.