Ден жоьпалла » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Ден жоьпалла
02.09.2020 32 0 niyso

Ден жоьпалла

Общество
В закладки
Пайхамара (Делера салам-маршалла хуьлда цунна) аьлла: «Шух хIора Iу ву, шега шен Iуналлех хоттур долуш волу». Шен доьзалан Iу хиларе терра, хIора да декхарийлахь ву зудчуьнга, берашка вуониг дита, диканиг схьаэца ала.  Иштта декхар ду нахана юкъахь хIора бусулба стагана тIехь а. Пайхамара (Делера салам-маршалла хуьлда цунна) аьлла: «Вуон хIума дIадаккха аша куьйгаца, куьйгаца дIадаккха ницкъ ца кхачахь, маттаца дIадаккха, маттаца дIадаккха ницкъ ца кхачахь, дагца инкарло елаш, гIийла ийман ду иза а».
Доьзалхочун пхийтта шо кхаьчча, цунна шена тIедужу ламаз дарехь, марха кхабарехь, закат даларехь нисвалар, таро елахь, ХьаьжцIа вахар а. ХIинца шен ден Iуналли кIелара волу иза. Делахь а, дена тIехь ду цуьнга диканиг де алар, вуониг ма де алар. Оцу доьзалхочо дика ца дахь, къематдийнахь дас жоп лур дац цунна хьалхара. ХIунда аьлча пхийттара ваьллачунна шена тIедужу Далла хьалха шен дегIах жоп ша далар.
Делан лайна тIехь ду уггар хьалха ша шен дегI нисдар, тIаккха шен чуьра доьзал нисбар. ВорхI шо кхаьчначу шен доьзалхочуьнга ламаз де алар, цунна динах дерг Iамор, хьехар. Дена тIехь ду шен итт шо кхаьчначу доьзалхочуьнга ламаз дайтар. Ца деш юхавалахь, дов деш, тухуш, кхерам тосуш, нуьцкъах ламаз дарна тIевалор. Элчано (Делера салам-маршалла хуьлда цунна) боху: «Ламаз де алалаш шайн доьзалхочуьнга ворхI шо кхаьчча, итт шо кхаьчча, ламаз дайта аша, тоха а тухуш». Пхийттара валлалц и доьзалхо нисван, бусулба дино хьоьхучу новкъа ваккхар тIехь ду хIора дена.
Иштта дена тIехь ду шен хIусамера, шен чуьра хьарам мел долу хIума арадакххар, Дала цамагийнарг шен хIусамехь цалеладайтар.
Шен хIусамера, шен доьзалера хьарам хIума дIа ца доккхуш верг Пайхамара (Делера салам-маршалла хуьлда цунна) тIаьхьа бен ялсамане гIура вац аьлла. Дала аьлла шен Къуръана чохь: «Аша ларде шайн догIмаш, ларбе шайн доьзалш». Дала хьарамдинчух шен дегI, шен доьзалш ларбар ден декхар ду.
Иштта тахана вайн чолхечу заманахь Нохчийчохь дена хьалха лаьтташ кхин цхьа деза декхар а ду - шен куьйга кIел болу нах (хIусамнана, йоI, кIант, йиша, ваша) дийнахь а, буса а мичахь бу, мичахь хуьлу хаар. Цара лелош дерг довзар: динца, духарца, леларца, балхаца, рицкъ лахарца а (хьарам, хьанал), адамашца юкьаметтиг йозарца.
Делан динехь санна, да жоьпалла ма ву шен куьйга кIел болчара лело тарлучу харцонна, ямартлонна, цаьргара дала тарлучу зуламна. ЧIогIа ларбар оьшу вахош долу маларш мийларх, дохкарх, корта хьовзо хIума озарх, йохкарх, Дала неIалт аьн долу а, хьарам дина долу а хIума лелорах. Пайхамара (Делера салам-маршалла хуьлда цунна) аьлла: «Хийла да ву доьзал бахьанехь декъалхир волуш, хийла да ву доьзал бахьанехь дакъазвер волуш».

Автор:
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Адам пайхамара (Дела реза хуьлда цунна) тоба дарх лаьцна
Везачу Дала Къуръана чохь аьлла: «Ас цуьнан тоба къобалдира. Со къинхетаме ву, тоба къобалдеш ву». Адам пайхамар (Дела реза хуьлда цунна) Деле вирзина хилла х1окху
Къа а, мела а
Къа а, мела а
Къа а, мела а
17.06.20 Общество
Къа - иза АллахIа ца магийна, хьарам долу хIума дар ду.
Мархин бутт
Мархин бутт
Мархин бутт
29.04.20 Общество
Мархин бутт кхабаран дозаллаМархин бутт бусалба стагна чIогIа дика хан ю Далла Iибадат дан. Марха кхобу хан тIехIоттар Комаьрша волчу Делера чIогIа доккха ниIмат ду,
Марша богIийла хьо, Рамадан бутт!
Т1екхаьчна баьлла вайна сийлахь-беза бутт – Рамадан. И бутт везачу Дала къастийна кхечу беттанел даккхийн дозалашца. Рамадан беттахь доссо долийна Делан деза жайна –
Хьаж дечунна хьехам
Хьаж дечунна хьехам
Хьаж дечунна хьехам
07.08.19 Общество
ХьаьжцΙа Веза Воккхачу АллахΙан сийлахь а, маьрша а цΙа ду. Бусалба стагана кхочушдан тΙедиллинчу пхеа парзах цхьаъ ду ХьаьжцΙа вахар, цигахь Сийлахьчу АллахΙана Ιибадат











«    Сентябрь 2020    »
ПнВтСрЧтПтСбВс
 123456
78910111213
14151617181920
21222324252627
282930 
все шаблоны для dle на сайте dletop.com скачать