Марша богIийла хьо, Рамадан бутт! » Нийсо-Дагестан
sitename
Курс валют предоставлен сайтом old.kurs.com.ru
Видео
Свежий номер газеты


Марша богIийла хьо, Рамадан бутт!
22.04.2020 43 0 niyso

Марша богIийла хьо, Рамадан бутт!

Общество
В закладки
Т1екхаьчна баьлла вайна сийлахь-беза бутт – Рамадан. И бутт везачу Дала къастийна кхечу беттанел даккхийн дозалашца. Рамадан беттахь доссо долийна Делан деза жайна – сийлахь долу Къуръан.  И бутт базбеш, Дала бусалбанашна т1едиллина сийлахь – деза 1ибадат – марха кхабар. Хьадисехь цунах лаьцна  деъна, Дала элира, ерриг Адаман беро еш йолу 1амал цунна шена ю, марха кхабар доцург – и цо Суна еш 1амал ю,  аьлла: юучу х1уманах а, молучу х1уманах а юхаволу и, иштта берриг синкъерамаш а буьту цо Суна дуьхьа – цунна хаза бекхам Ас Айса бийр, 10-нера 700 –енна т1екхаччалц алсам мела а луш.
Ша1бан беттан т1аьххьарчу дийнахь Делан элчано, Делера салам-маршалла хуьлда цунна, иштта хут1ба дийшира: «Шуна т1ебеъна сийлахь-беза беркате бутт. Бутт бу иза, шена чохь эзар беттахь йолчул еза буьйса йолуш (лайлат аль-къадр), бутт бу иза, шена чохь Дала дийнахь марха кхабар, парз дина, т1едиллина а долуш, буьйсана  ламазаш дар (таравийхь) совнаха меле 1амал а йолуш. Оцу беттахь цхьа жимма а диканиг диначунна кхечу хенашкахь парз 1амал йиначун мела хуьлу. Оцу беттахь парз 1амал йиначунна кхечу хенашкахь 70 парз 1амал йиначунна хуьлу мела бу. Иза собар даран бутт бу, ткъа собар диначун на(Далла 1ибадат дарехь, хьарам х1уманах ларваларехь) бекхам ялсамани ю. Иза вовшийн дог эцаран бутт бу (мискачу нехан хьал довзарца). И бутт бу, шена чохь муъмастеган рицкъ совдолуш. Оцу беттахь суьйрана,  хурма елла а, я хин къурд байтина а, марха дастийтар – цуьнан къиношна дуьхьал каппарат ду, жоьжахатин ц1ерах шен дег1 хьалхадаккхар ду. И бутт бу, шен юьхь къинхетам болуш, шен юкъ гечдар долуш, шен чакхе жоьжахатин ц1ерах хьалхаваккхар долуш. Оцу беттахь шен хьалхахь болх беш волчуннна цхьа к1еззиг болх байбинчунна Дала гечдеш ду къинош. Дукха хилийталаш оцу беттахь дика 1амалш».
Оцу пайхамаран дешнашна, Делера салам-маршалла хуьлда цунна, т1етоха х1умма дац.
Х1окху шарахь Рамадан бутт т1ебеъна вайна ч1ог1а чолхечу муьрехь – массо а дуьненахь санна, коронавирус цамгаран ун даржаран кхерам болуш, массо а нах гулбеш болу меттигаш д1акъевлина йолуш. Ислам дино  адаман могашалла а, дахар а 1алашдар хьалха даьккхина хиларца д1акъевлина ду Делан ц1енош – маьждигаш. Амма цо вай мелхо а декхарийлахь до Далла дуккха 1ибадат дан вайн ц1еношкахь, Деле хьасталуш до1анаш дар, х1ара бала вайн массеран а т1ера д1аэцар доьхуш. Иштта таравийхь ламазаш шайн ц1еношкахь дан дезар ду, дуккха Деле до1анаш а деш.
Рамадан беттан хьалхара де, гергарчу хьесапехь, 24 апрель, п1ераска де ду. Билггала дерг имамаша хоуьйтур ду. Иштта имамаша бинчу кхайкхамах ду: т1ех1оьттина йолчу хенан хала кийсак тидаме а эцна, нах балхашкара мукъа беввла, рицкъ лахаран некъаш гаттаделла болу дела, марха достучу дийнахь х1уманаш йоькъуш ца лела, бераш а х1уманаш йоьхуш ца лелийта.
Марха дастаран хазахетар ду Шари1ато гайтинчу новкъа: 1ийд-ламаз дар, 1ийданца вовший декъалбар, х1ораммо шен х1усамехь шен доьзална шортта даар-малар латтор.
Дала могуш-маьрша латтойла вай, уьнах-цамгарх хьалхадохийла, массо а питанех а, баланех а 1алашдойла вай!
Марша бог1ийла хьо, сийлахь-беза Рамадан бутт!
  «Имамаш  Машарехьа а,  Бартхиларехьа» юкъараллин  Кхеташо

Автор:
Комментарии (0)
Добавить комментарий
Прокомментировать
Кликните на изображение чтобы обновить код, если он неразборчив
Ненанана
Ненанана
Ненанана
02.10.19 Общество
Ма доккха дозалла ду ненанана дуьнен чохь хилар, ма доккха ирс ду-кх цуьнан йовхоно хьоьстуш хилар. Цуьнан лелар, болар, амат-сибат, ма ша тайпа исбаьхьа хаза хуьлу-кх.
ГIурбанца декъалдар
ГIурбанца декъалдар
ГIурбанца декъалдар
07.08.19 Общество
Хьоме махкахой! «Имамаш Машарехьа а, Бартхиларехьа» юкъараллин организацин Совето даггара декъалбо вайн махкахой, берриге а бусалбанаш т1едог1у дезчу деношца – 1арафат
Хьаж дечунна хьехам
Хьаж дечунна хьехам
Хьаж дечунна хьехам
07.08.19 Общество
ХьаьжцΙа Веза Воккхачу АллахΙан сийлахь а, маьрша а цΙа ду. Бусалба стагана кхочушдан тΙедиллинчу пхеа парзах цхьаъ ду ХьаьжцΙа вахар, цигахь Сийлахьчу АллахΙана Ιибадат
Марха достучу денца декъалдойла шу, вежарий, йижарий!
Вайна т1екхаьчна даьлла сийлахь-деза де - 1ийд аль-фит1р - Марха досту де. И де дог1уш ду Дала вайна Шен деза 1ибадат - марха кхабар т1едиллина, Дала Шен бу аьлла,
Имамийн тидаме
Имамийн тидаме
Имамийн тидаме
08.05.19 Общество
2019-чу шеран 27-чу апрелехь д1аехьира «Имамаш Машарехьа а, Бартхиларехьа а» ц1е йолчу юкъараллин Советан кхеташо.











«    Май 2020    »
ПнВтСрЧтПтСбВс
 123
45678910
11121314151617
18192021222324
25262728293031
все шаблоны для dle на сайте dletop.com скачать